पत्रकार किरण मरहट्ठाको “द होप” अष्टिनमा बिमोचन (फोटो फिचर सहित)

के सी शेर 

अष्टिन (टेक्सास)-  पत्रकार किरण मरहट्ठाद्धारा लिखित पुस्तक “द होप” को आइतवार एक कार्यक्रमका बिच टेक्सासको अष्टिनमा बिमोचन गरिएको छ ।

समाजसेवी तथा हेम सरिता फाउण्डेशनका संस्थापक हेम पाठकले पुस्तकको बिमोचन गर्नुभएको हो । ग्रेटर अष्टिन नेपाली सोसाइटीले आयोजना गरेको “द होप” बिमोचन कार्यक्रममा पुस्तक र पुस्तकका लेखकको बारेमा बरिष्ठ संचारकर्मी नारायण पुरीले प्रकाश पार्नुभएको थियो ।

ग्रेटर अष्टिन नेपाली सोसाइटीका अध्यक्ष देबराज न्यौपानेको सभापतीत्व तथा सदस्य धर्मानन्द गौतमले संचालन गरेको पुस्तक बिमोचन कार्यक्रममा अन्र्तराष्ट्रिय नेपाली साहित्य समाजका पुर्व अध्यक्ष मोहन सिटौला, अन्र्तराष्ट्रिय नेपाली समाजका संस्थापक बरिष्ठ सदस्य राजेश्वर निरौला,  संचारकर्मी  रविन पिया, स ुरज भण्डारी, झरना नहर्की लगायतले पुस्तकको सफलताको कामना गरेका थिए ।

पुस्तक बिमोचन पछि बोल्दै कार्यक्रमका प्रमुख अतिथी तथा हेम सरिता फाउडेशनका संस्थापक हेम पाठकले पत्रकार किरणद्धारा लिखित पुस्तक द होपको सफलताको कामना सहित बिमोचन गर्ने अवसर प्रदान गरेकोमा धन्यवाद ज्ञापन गर्नुभएको थियो ।

नेपालमा बुटवल बाट पत्रकारीता शुरु गरेका द होपका लेखक किरण नेपाल टेलिभिजन, एबिसी टेलिभिजन हुंदै हाल अमेरीकाबाट पत्रकारिता गरिरहेका छन् । सो अवसरमा पुस्तकका लेखक मरहट्ठाले अष्टिनमा पुस्तक बिमोचन गर्न पाएकोमा खुशी व्यक्त गर्दै पुस्तकमा लेखिएका केही व्यक्तित्वको चर्चा गरेका थिए ।

(फोटो साभार लेखक मरहट्ठाको फेसवुकबाट)