कंग्रेसबाट नेपालगञ्ज उपमहानगरमा मेयरमा कनोडिया र उपमेयरमा उमा

जेठ २८, काठमाण्डौ । पश्चिम नेपालको व्यवसायिक सहर नेपालगञ्ज उपमहानगरमा कंग्रेसबाट मेयरमा डाक्टर सुरेशकुमार कनोडियाले उम्मेद्वारी दिने भएका छन् ।

कंग्रेसको कार्यसम्पादन समितिको बैठकले दोस्रो चरणको स्थानीय तह निर्वाचनमा मेयरमा कनोडियाको नाममा सहमती गर्दै उपमेयरमा उमा थापा मगरलाई उठाउने निर्णय गरेको छ । लामो समयको प्रतिक्षा र सकसपछि नेपाली कांग्रेसले दोस्रो चरणको स्थानीय तह निर्वाचनका लागी उम्मेदवारको टुंगो लगाएको छ ।

क्षेत्रीय कार्यसमितिको सिफारिसमा आएका विभिन्न नामावलीलाई जिल्लाले आफ्नो राय सहित केन्द्रलाई सिफारिस गरेको थियो । सोही आधारमा केन्द्रिय समितिले उम्मेदवारको टुंगो लगाएको कांग्रेस बा“केका सभापति किरण कोईरालाले जानकारी दिनुभयो ।

कांग्रेसले कस्तो उम्मेदवार चयन गर्छ भन्नेमा बाकेबासी प्रतिक्षामा थिए । पार्टी भित्र आकांक्षी धेरै देखिएपछि कांग्रेसलाई उम्मेदवारको टुंगो लगाउन सकस परेको थियो । उम्मेदवारको टुंगो नलाग्दा कांग्रेसले जिल्लामा चुनावी अभियानको काम तिब्र रुपले गर्न सकेको थिएन ।

उम्मेदवार टुंगो नलाग्दा अधिकांस कांग्रेस नेताहरु राजधानी केन्द्रित भएका थिए, भने केही नेताहरु घरदैलोमा सक्रिय भएका थिए । टिकटको चर्चा नहुदै मतदाता भेटघाट तथा घरदैलोमा व्यस्त रहदै आएका नेता कनोडियाले पार्टीले उम्मेदवार टुंगो लगाइसकेपछि एक खालको उत्साह थपिएको बताउनुभयो ।