डा. पौडेलको टिमसंगको अन्तरक्रिया तथा भेटघाट सानफ्रान्सीस्को र फ्रेस्नोमा सम्पन्न

क्यालिफोर्निया – एनआरएन अमेरीकाको आसन्न निर्वाचनका लागी प्रचारप्रसारमा व्यस्त डा. केशव पौडेल सहितको टिमले क्यालिफोर्नियाको सानफ्रान्सीस्को र फ्रेस्नोमा अन्तरक्रिया तथा भेटघाट कार्यक्रम सम्पन्न गरेको छ ।

टिमको घोषणापत्र सहित प्रचारप्रसारमा व्यस्त टिमले सानफ्रान्सीस्कोमा अन्तरक्रिया कार्यक्रम तथा फ्रेस्नोमा नेपालीहरुसंग भेटघाट कार्यक्रम गरेको हो । एनआरएन अमेरीकालाई सबल र समृद्ध बनाउने उद्घोष सहित अनुभवी र सक्षम व्यक्तिहरु उम्मेद्धार रहेको टिमले अन्तरक्रिया तथा घेटघाट कार्यक्रममा सहभागी नेपालीहरुका जिज्ञासा मेटाएको थियो ।

एनआरएन अमेरीकाको बर्तमान अध्यक्ष समेत रहेका डा. पौडेलले बांकी कामहरु पुरा गर्ने अठोट सहित सक्षम टिम सहित प्रचारप्रसार तिब्र पार्ने क्रममा क्यालिफोर्नियामा हुनुहुन्छ । भेटघाट तथा अन्तरक्रिया कार्यक्रम मार्फत आफ्ना एजेण्डाहरु स्पष्ट पार्ने मौका पाएको र सो क्रममा नेपालीहरुको समर्थन पाएर हौसिएको डा. पौडेल टिमबाट बोर्ड अफ डाइरेक्टरमा उम्मेद्धारी दिनुभएका तथा प्रचारप्रसार टोलीमा सहभागी समाजसेवी गोपेन्द्र भट्टराइले बताउनुभयो ।

नेपालीहरु माझ पुगर एनआरएन अमेरीकालाई बृहत बनाउन प्रचारप्रसार कायृक्रमलाई अझै तिब्र पारिने उहांले बताउनुभयो । डा. पौडेल सहितको प्रचारप्रसार टोलिमा बरिष्ठ उपाध्यक्षका उम्मेद्धार शुनिल शाह, उपाध्यक्षका उम्मेद्धार रामकुमार स ुबेदी, सर्बज्ञ वाग्ले, राधा पौडेल बोर्ड अफ डाइरेक्टरका उम्मेद्धार गोपेन्द्र भट्टराई, आइसीसी सदस्यका उम्मेद्धार शंकर खड्का, डिल्ली भट्टराई  लगायतका व्यक्तिहरु हुनुहुन्छ ।