भाउजुको हत्या गरेका देवर २३ दिनपछि पक्राउ

लमजुङ, १३ असोज । जिल्ला प्रहरी कार्यलय लमजुङले भाउजुको हत्या गरेको आरोपमा देवर नाता पर्ने एकजनालाई घटनाको २३ दिनपछि पक्राउ गरेको छ।

गत भदौ २३ गते बिहान ७ बजे आफ्नै घरमा मृत भेटिएकी क्ब्होलासोंथर गाउँपालिका–९ गिलुङकी ५९ वर्षीया बिमाया भन्ने वुद्धिमाया विकलाई हत्या गरेको आरोपमा देवर नाता पर्ने गिलुङकै ५७ वर्षीय बिलबहादुर विकलाई पक्राउ गरेको जिप्रका लमजुङले जानकारी दिएको छ।

प्रहरीका अनुसार प्रहरी नियन्त्रणमा रहेका बिलबहादुरले भदौ २० गते राति करिब ९ बजे बिमायालाई दाउराले टाउकोमा प्रहार गरी हत्या गरेको स्वीकार गरेको छ भने जग्गासम्बन्धी विवादमा एकल महिला बिमायालाई बिलबहादुरले हत्या गरेको प्रारम्भिक अनुसन्धानबाट खुलेको हो।

जिल्ला अदालतबाट २० दिनको म्याद थप गरी घटनाको अनुसन्धान अघि बढाइएको प्रहरीले जनाएको छ।