जनसम्पर्क समिती अमेरीका अष्टिन च्याप्टरको भेटघाट तथा अन्तरक्रिया कार्यक्रम सम्पन्न(फोटो फिचर सहित)

टेक्सास अष्टिन – जनसम्पर्क समिती अमेरीका अष्टिन च्याप्टरले  अष्टिनमा भेटघाट तथा अन्तरक्रिया कार्यक्रम सम्पन्न गरेको छ ।

नेपाली कांग्रेसका केन्द्रिय सदस्य कल्यान गुरुङको प्रमुख आतिथ्यतामा भएको कार्यक्रममा अष्टिनका नेपाली कांग्रेसमा आस्था राख्ने नेपालीहरुको सहभागिता रहेको थियो ।

सो अवसरमा बोल्दै कांग्रेस केन्द्रिय सदस्य गुरुङले जन सम्पर्क समितीमा देखिएको विवाद समाधान भएकोमा आफु हर्षित भएको बताउंदै आगामी दिनमा पनि सहमती सहकार्य गर्दै मिलेर जान सुझाव दिनुभयो ।

जन सम्पर्क समिती पनि एउटा सामाजिक संस्था भएकोले सबै मिलेर गएमात्र आफ्नो उद्देश्य पुरा हुनेमा गुरुङको जोड थियो । यस्तै अर्को प्रसंगमा केन्द्रिय सदस्य गुरुङले संबिधान कार्यान्वयनको जिम्मा मुख्य गरि नेपाली कांग्रेसको कांधमा आएकोले कांग्रेसले सबैलाई मिलाएर संविधान कार्यान्वयनको बाटोमा जाने बताउनुभयो ।

सो अवसरमा बोल्दै जन सम्पर्क समिती अमेरीकाका केन्द्रिय उपाध्यक्ष सिपी पौडेलले जन सम्पर्कमा देखिएको विवाद समाधान भएकोले अव सबै मिलेर जानुको बिकल्प नभएकोमा जोड दिनुभयो । कार्यक्रममा जन सम्पर्क समिती अमेरीकाका पुर्व संयोजक विष्णु सुबेदी, केन्द्रय सदस्य तथा ड्यालस च्याप्टरका ज्ञानेन्द्र कार्की लगायतले आफ्ना भनाई राख्नुभएको थियो ।

जनसम्पर्क समिती अमेरीका अष्टिन च्याप्टरका सभापती प्रेम पाण्डेको सभापत्विमा भएको कार्यक्रमको संचालन महासचिव कौशल यादवले गर्नुभएको थियो भने स्वागत मन्तव्य दिपक हुमागाइले राख्नुभएको थियो ।