युएईमा रहेका युवाले सहयोग गरे ब्लड क्यान्सर पिडित बालक गिरिराजलाई

कालपृष्ठ समाचारदाता
नेपालगन्ज, १३ साउन

ब्लड क्यान्सर रोगको उपचार गराईरहेका बाँके कोहलपुर निवासी गिरिराज श्रेष्ठलाई युएईमा रोजगारीका लागि गएका युवाले आर्थिक सहयोग गरेका छन ।

कोहलपुर नगरपालिका वडा नम्बर १४ हवलदारपुर निवासी विकास श्रेष्ठका चार वर्षिय छोराको भारतमा उपचार भैरहेको छ । विकास पनि रोजगारीका लागि कतार गएका युवा हुन । छोरा विरामी भएपछि उनी नेपाल फर्किएका थिए । ब्लड क्यान्सर रोगको उपचारमा धेरै रकम खर्च हुने भएपछि विकास साथीहरुले कतारबाट सामुहिक रुपमा १ लाख ३१ हजार ४ सय ८५ रुपैयाँ आर्थिक सहयोग गरेका हुन ।

युएईको विभिन्न कम्पनीमा काम गरिरहेको युवाहरुले आर्थिक संकलन गरेर विकासको छोराको उपचारमा थोरै भएपनि राहत मिलोस भनेर सहयोग गरेको कतारमा रहेका भुपेन्द्र बस्नेतले बताए ।

खजुरा गाउँपालिका वडा नम्बर ३ निवासी बस्नेतको नेतृत्वमा कतारमा आर्थिक संकलन अभियान चलाइएको थियो । आर्थिक सहयोग गर्ने सम्पुर्ण युवाहरुलाई बस्नेतले धन्यवाद दिए ।

ब्लड क्यान्सर रोगबाट पिडित गिरिराजको हाल भारतको नयाँ दिल्ली स्थित राजिव गान्धी इन्स्च्युट एण्ड रिर्सच सेन्टर अस्पतालमा उपचार भैरहेको छ ।

गिरिराजको उपचारमा सहयोगका लागि एनआइसी एसिया बैंकमा विकास श्रेष्ठको नाममा रहेको बैंक खाता नम्बर ५५६९४८०५७३५२४००१ नम्बरमा वा मोबाइल बैंकिङ लागि ९८१५५२७३८८ नम्बरमा सहयोग गरिदिन विकास श्रेष्ठले अनुरोध गरेका छन् ।