नेपाल काभा वुमन्स भलिबलको फाइनलमा, उपाधिका लागि भारतसँग भिड्ने

कालपृष्ठ समाचारदाता
नेपालगन्ज, २२ साउन

इरानविरुद्ध ३–० को सोझो सेटमा जित निकाल्दै नेपाल सेन्ट्रल एसियन भलिबल एसोसिएसन(काभा) महिला नेशन्स लिगको फाइनल प्रवेश गरेको छ । त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा मंगलबार नेपालले खेल २५–२१, २६–२८, २५–२० ले आफ्नो पक्षमा पर्यो ।

पहिलो सेटमा १–५ ले पछि परेको स्थितीबाट नेपालले लगातार पाँच अंक जोडेको थियो । दोस्रो सेट निकै प्रतिस्पर्धात्म बनेको थियो । एक समय १५–९ को अग्रता बनाएको नेपाल अन्त्यतिर २१–२४ ले पछि परेको थियो । तर लगातार तीन सेट बचाउँदै नेपाल खेलमा फर्कियो ।

नेपाल दोस्रो र इरान तेस्रो स्थानमा रहँदै सेमिफाइनल प्रवेश गरेका थिए । लिग चरणको खेलमा नेपाल इरानसँग ३–२ को सेटमा पराजित भएको थियो । यसैगरी नेपालले लिग चरणमा श्रीलंका र माल्दिभ्सलाई समान ३–० र भारतलाई ३–२ को सेटमा पराजित गरेको थियो ।

यता भारतसँग ३–१ को सेटमा पराजय ब्यहोरेको इरानले श्रीलंकालाई ३–२ तथा माल्दिभ्सलाई ३–० को सेटमा हराएको थियो । नेपालले बुधबार उपाधिका लागि भारतको सामना गर्नेछ । मंगलबार नै सम्पन्न पहिलो सेमिफाइनलमा भारतले श्रीलंकाविरुद्ध ३–० को सोझो सेटमा जित निकालेको थियो । इरानले तेस्रो स्थानका लागि श्रीलंकाको सामना गर्नेछ ।