मतदाताको मन जित्दैं लोकतान्त्रिक समावेशी व्यवसायी प्यानल

कोहलपुर उद्योग वाणिज्य संघ निर्वाचन

सिवानी विक
कोहलपुर, १८ असोज
कोहलपुर उद्योग वाणिज्य संघको आगामी निर्वाचन नजिकिँदै गर्दा लोकतान्त्रिक समावेशी व्यवसायीहरूको प्रचारप्रसारले तीव्रता दिएको छ । आगामी कात्तिक ३ गते संघको निर्वाचन हुँदैछ ।
अध्यक्ष पदका उम्मेदवार प्रदिप भट्टराईले कोहलपुर नगरपालिका वडा नम्बर ८ र ९ लगायतका ठाउँमा प्रचारप्रसार अभियान प्रभावकारी भएको बताउनु भएको छ ।
भट्टराईले आफ्नो उम्मेदवारी घोषणा गरेसँगै स्थानीय व्यवसायीहरूमा उत्साह देखिएको बताउनु भएको छ ।

उहाँले संघको नेतृत्वमा पुगेर व्यवसायीहरूको समस्या समाधान गर्ने, संघलाई थप सशक्त बनाउने र कोहलपुरको व्यापारिक विकासमा महत्वपूर्ण भूमिका खेल्ने प्रतिबद्धता जनाउनु भएको छ ।

उहाँले भन्नु भयो, ‘मैले कोहलपुर उद्योग वाणिज्य संघको अध्यक्ष पदमा उम्मेदवारी दिएको छु । मेरो उद्देश्य संघलाई व्यवसायीमैत्री बनाउनु हो । व्यवसायीहरूका समस्यालाई नजिकबाट नियालेको छु । ती समस्या समाधान गर्नको लागि विभिन्न योजनाहरू छन् हामीसँग । हामीलाई विश्वास छ कि हाम्रो नेतृत्वमा संघले नयाँ उचाइ प्राप्त गर्नेछ ।’
भट्टराईले प्रचारप्रसार अभियानलाई प्रभावकारी बनाउन विभिन्न कार्यक्रमहरू आयोजना गरिएको बताउनु भयो ।

उहाँले स्थानीय व्यवसायीहरूसँग भेटघाट गर्ने, अन्तरक्रिया गर्ने र आफ्ना योजनाहरूबारे जानकारी गराउने गरेको बताउनु भयो । यसैगरी सामाजिक सञ्जाललगायतका विभिन्न माध्यमबाट पनि आफ्नो प्रचारप्रसार गरिरहेका छन् ।

यसैगरी भट्टराईको नेतृत्वमा चन्डी प्रसाद गैरे वरिष्ठ उपाध्यक्ष, हरिसरण केसी उद्योग उपाध्यक्ष, राकेश विष्ट वस्तुगत उपाध्यक्ष, दिपक बहादुर भण्डारी महासचिव, भूमिराज कडेल कोषाध्यक्ष, र उप–महासचिवको रूपमा राजन कुमार पौडेल, सह–कोषाध्यक्ष देविलाल सुनारले समावेशी प्यानलबाट चुनावी मैदानमा होमिएका छन् ।

………

लोकतान्त्रिक समावेशी प्यानलको सदस्यहरूमा सूचीमा अमृत पौडेल, नोखराज रावत, श्रीधर घिमिरे, किरण श्रेष्ठ, अशोक गौडेल, झुपबहादुर भण्डारी, किरण विक, गौरव श्रेष्ठ, र गिरीधारी शर्मा, राजेन्द्र प्रसाद रिजालले एशोसियट सदस्यका रुपमा चुनावमा उम्मेदवारी दिनु भएको छ । महिला सदस्यको रूपमा शितल योगी अधिकारी र ममता थापा रहनु भएको छ । कोहलपुर उद्योग वाणिज्य संघको आगामी निर्वाचनमा कसले जित्ने हो भन्ने चासो सबैतिर छ ।

……..

………..