खेलकुदमा गलत नियतले नियुक्ती गरिएको छः पुर्व सदस्य मैनाली

कालपृष्ठ समाचारदाता
नेपालगन्ज, भाद्र १५
राष्ट्रिय खेलकुद परिषद(राखेप)का पुर्व सदस्य बिनोद मैनालीले केपी ओली सरकारले जाँदा जाँदै गलत मनसायले खेलकुद क्षेत्रमा विभिन्न पदमा नियुक्त गरेको आरोप लगाएका छन । गलत मनासयले रातारात गरेका नियुक्तहरु स्वत खारेज हुुनु पर्ने मैनालीले मंगलबार पत्रकारहरुसँग कुराकानी गर्ने क्रममा बताए ।
उनले भने, ‘सरकार परिवर्तन भएपछि त्यतिबेला राजनितिक नियुक्त लिएका नेताले स्वत पदबाट राजिनामा दिनु पर्ने हो । हामीले उहाँहरुलाई राजिनामा दिनु भन्दैनौं । तर नैतिकताको आधारमा राजिनामा दिनु पर्ने हो ।’
केपी सरकारको बेला नियुक्ती लिएकाले राजिनामा दिनु पर्ने बेला प्रक्रिया नै मिचेर अन्य नियुक्ती गर्नु गलत काम हो ।
केपीको कार्यकालमा लुम्बिनी प्रदेशले संसद बैठक बस्न नसकेको अवस्थामा अवैधानिक बाटोबाट प्रदेश खेलकुद सदस्य सचिव लगायतका पदाधिकारीलाई नियुक्त गरेको थियो । त्यसपछि प्रदेश खेलकुदले जिल्ला खेलकुद समिति गठन गर्दै गएको छ ।
राखेप पुर्व सदस्य मैनालीले वर्तमान राखेप नेतृत्वले सहि ढंगले काम गर्न नसकेको समेत बताएका छन । उनले भने,‘नेतृत्वमा रहेका मानिसबाट आम खेलकर्मीले जुन ढंगको अपेक्षा गरेको थिए त्यो पुरा हुन सकेन । कोभिडले प्रभावित भएका बेला राखेपले खेलाडी र खेलकुदका लागि थुप्रै काम गर्न सक्थ्यो । पुर्वाधार निमार्ण, अध्ययन, अनुसन्धानका कामहरु धेरै गर्नु पर्ने थिए । तर ति केहि भएनन । खेलकुदको करिब आधा बजेट फ्रिज भएर गयो ।’
राखेपका सदस्य गोबिन्द भंट्टराईले पनि राखेप नेतृत्व नहुँदा खेलकुदको विकासमा असर गरेको बताए । उनले भने,‘दुइ वर्ष भयो राखेपको बोर्ड बैठक नै भएको छैन । अस्थिरता र तर्दथवादमा चलेको छ खेलकुद । खेलकुदमा आएको बजेट फ्रिज भएर गएको छ । त्यसको कुनै समिक्षा हुँदैन । यसमा नेतृत्वको मात्र गल्ती छैन । केहि अंश हामी पनि भागीदार छौं । हामीले खेलकदमा काम गर्ने स्वर्णीम युग गुमायो ।’
नेतृत्वको कार्यशैलीका कारण आफुले राजिनामा दिने मनसाय बनाएको समेत सदस्य