सुजुकीले ल्यायो ‘दसैं आयो उमंग छायो’ बम्पर उपहार

कालपृष्ठ समाचारदाता

नेपालगन्ज, २१ भाद्र

विश्व प्रख्यात ब्रान्ड सुजुकी मोटरसाइकल तथा स्कुटरको लागि बाँके–बर्दियाको आधिकारिक बिक्रेता नेपाल ट्रेड च्यानल प्रालिले दशैं– तिहार लक्षित बम्पर उपहार योजना ल्याएको छ ।

नेपाल ट्रेड च्यानल प्रालिका अनुसार ‘दसैं आयो उमंग छायो, क्यास ब्याकका साथै बम्पर पायो’ उपहार योजना अनुसार सुजुकी ब्रान्डका मोटरसाइकल तथा स्कुटर खरिद गर्दा १० हजार रुपैयाँ ग्राहले छुट पाउनेछन ।

यसका साथै हरेक साता बम्पर पुरस्कारका रूपमा मोटरसाइकल पनि राखिएको छ । उपहार योजनामा एक वर्षका लागि सवारी कर, फाइनान्स र एक्सचेञ्जको सुविधा रहेको कम्पनीले बताएको छ । नेपाल ट्रेड च्यानल प्रालिका प्रबन्धक रुद्र बुढाले नयाँ उपहार योजनाले ग्राहकलाई थप आर्कषित गर्ने बताए । नेपालको पश्चिम क्षेत्रमा विगत २० वर्ष देखी काम गर्दै आएको नेपाल ट्रेड च्यानल प्रालि अहिले नयाँ व्यवस्थापनका साथ काम गरिरहेको छ । अटोमोबाइल्स क्षेत्रमा प्रख्यात कम्पनी हो नेपाल टे्रड च्यानल प्रालि ।

हरेक दुई हप्तामा बम्पर पुरस्कारको रुपमा सुजुकी इन्ट्रुडेर बाइक पुरस्कार दिने कम्पनीले जनाएको छ । विश्व प्रसिद्ध जापानिज ब्राण्ड सुजुकीले नेपालको बजार सुहाउँदो मोटरसाइकल र स्कुटर उत्पादन गर्दै आइरहेको छ ।