दाङका ६० प्रतिशत वडामा सर्वसम्मत नेतृत्व

कांग्रेसको १४ औं महाधिवेशन

लिलाधर वली
दाङ, २१ भदौ
नेपाली कांग्रेसको १४ औं महाधिवेशन अन्तर्गत नयाँ नेतृत्व चयनका लागि दाङमा करिब ४० वडाहरुमा मतदान भएको छ । जिल्लाका दश वटा स्थानीय तहका एक सय वडाहरु मध्ये करिब ६० वडाहरुमा सर्वसहमतिमै नेतृत्व चयन भएको हो ।
१४ औं महाधिवेशन अन्तर्गत करिव ६० वटा वडा इकाई समितिहरुमा सभापतिसहित कार्यसमिति, क्षेत्रीय प्रतिनिधिहरु सर्वसहमतिमै चयनको काम भएको छ भने बाँकी वडाहरुमा सोमवार नयाँ नेतृत्व चयनका लागि मतदान भएको छ । दुई वटा वडाहरुमा प्राविधिक कारण मतदान हुन सकेको छैन ।
जिल्ला निर्वाचन समितिका अनुसार घोराही उपमहानगरपालिका वडा नं. १, २, ६, ७, ८, १४, १५, १६ र १९ वडाहरुमा सर्वसहमतिमै नेतृत्व चयन भएको छ । उनका अनुसार तुलसीपुर उप-महानगपालिकाका वडा नं. १, ४, ६, ७, १०, १२, १४ र १८, लमही नगरपालिकाका वडा नं. २, ४, ५, ६, ७, ८ र ९ नम्वर वडा, बंगलाचुली गाउँपालिकाका वडा नं.१,२,३,४, ५,६, ७ र ८ नम्वर वडा, बबई गाउँपालिका वडा नं. ३ र ७ नम्वर, दंगीशरण गाउँपालिकाको वडा नं.१,२,३,५,६ र ८ मा सर्वसहमतिमै नेतृत्व चयन भएको छ ।
त्यसैगरी गढवा गाउँपलिकामा वडा नं. १,२,३,५,६ र ७ नम्वर वडा, राजपुर गाउँपालिकामा वडा नं.१,२,४,५,६ र ७ नम्वर, शान्तिनगर गाउँपालिकामा २ र ७ नम्वर र राप्ती गाउँपालिकाका वडा नं. ३, ४, ५, ६,७ र ८ नम्वर वडामा अहिलेसम्म सर्वसहमतिमा नेतृत्व चयन भएको र बाँकी वडाहरुमा नयाँ नेतृत्व चयनका लागि मतदान भएको निर्वाचन समितिका सदस्य कुमारराज श्रेष्ठले जानकारी दिएका छन । उनका अनुसार कतिपय ठाउँ भौगोलिक विकटताका कारण सम्पूणर् विवरण प्राप्त हुन नसकेको समेत बताए ।

तुलसीपुर ५ र १६ मा मतदान आज

यसैबिच तुलसीपुर उपमहानगरपालिका वडा नं. ५ र १६ मा नयाँ नेतृत्व चयनका लागि आज मंगलबार मतदान हुने भएको छ । सहमतिमा नयाँ नेतृत्व चयन हुन नसकेपछि सोमवार मतदान हुने निर्वाचन कार्यतालिका भएपनि प्राविधिक कारण तुलसीपुर उपमहानगरपालिका वडा नं. ५ र १६ मा मतदान हुन नसकेको निर्वाचन समितिका सदस्य कुमारराज श्रेष्ठले जानकारी दिएका छन् । ‘जिल्ला निर्वाचन समितिका अनुसार २० गते उमेदवारी दर्ता गर्ने र २१ गते नयाँ नेतृत्व चयनका लागि मतदान गर्ने कार्यतालिका थियो’,सदस्य श्रेष्ठले भने,‘तर प्राविधिक कारण दुई वडाहरुमा सोमवार मतदान हुन सकेन ।’ मतपत्र छाप्न ढिलाई भएका कारण निर्वाचन हुन नसकेको बताइएको छ । अब मंगलबार आज निर्वाचन हुने छ ।’