आर्थिक स्तर उकास्न रिक्सा तालिम दिदैं गुरुकुल सहकारी

कालपृष्ठ समाचारदाता
नेपालगन्ज, २६ कात्तिक
आर्थिकसँगै सामाजिक क्षेत्रमा सक्रिय सहकारीका रुपमा परिचित गुरुकुल बचत तथा तथा ऋण सहकारी संस्था लिमिटेडले शुक्रबार ११ बार्षिक साधारण आयोजना गर्दैछ । साधारण सभाको अवसर पारेर सहकारीले आफना सदस्यहरुको आर्थिक स्तर उकास्न नयाँ योजना अगाडी सारेको छ । सहकारीले बाँकेका आठैं स्थानीय तहमा गएर निम्न वर्गका मानिसलाई निशुल्क रुपमा पेट्रोलियम अटो रिक्सा तालिम गर्ने भएको छ । सुरुआती चरणमा नेपालगन्ज उप–महानगरपालिकामा रहेका २० जना सदस्यलाई तालिम प्रदान गर्ने योजना रहेको बताउँछन चित गुरुकुल बचत तथा तथा ऋण सहकारी संस्था लिमिटेडका अध्यक्ष प्रदिप चौधरी । उनले भने,‘हामीले हरेक वर्ष आफना सेयर सदस्य, बचत कर्ताहरुका लागि नयाँ योजना ल्याइरहेका हुन्छौं । त्यसअन्तर्गत रिक्सा चलाउन तालिम दिने योजना बनाएका हौं । रिक्सा चलाउन सिकेपछि निम्न स्तरका सेयर सदस्यलाई आर्थिक स्तर बढाउन थोरै भएपनि सहयोग हुन सक्छ ।’

सहकारीले सम्पुर्ण सेयर सदस्यहरुको आर्थिक अवस्था बलियो बनाउने प्रयास गरिरहेको बताउँछन अध्यक्ष चौधरी । उनले अगाडी थपे, ‘हाम्रो उद्देश्य भनेको हाम्रा सदस्यहरुको आर्थिक स्तर माथि उकास्ने । सहकारीले समुदायको विकाससँगै आर्थिक विकासमा सहयोग गर्नु पर्छ भन्ने मान्यताका साथ हामी अगाडी बढिरहेका छौं ।’  २ हजार ४ सय ४५ सेयर सदस्य रहेको गुरुकुल बचत तथा तथा ऋण सहकारीले कृषि क्षेत्रमा काम गर्ने योजना ल्याएको छ । यस वर्ष देखी बाँकेका आठै स्थानीय तहमा सहकारीले ब्रान्च विस्तार गर्ने क्रममा सेवा कार्यालयको स्थापना गर्ने तयारी सुरु गरेको अध्यक्ष चौधरीले बताए ।  शुक्रबार हुने साधारणसभाको अवसरमा सहकारीका उत्कृष्ट कर्मचारी, उत्कृष्ट बचतकर्ता, उत्कृष्ट ऋण, उत्कृष्ट सेयर सदस्यहरुलाई सम्मान गर्ने कार्यक्रममा रहेको सहकारीले बताएको छ ।