बर्दिया कांग्रेस सभापतिमा राठौर निर्वाचित

कालपृष्ठ समाचारदाता
बर्दिया, १४ मंसिर
नेपाली कांग्रेसको १४औं महाधिवेशन अन्तर्गत बर्दियामा जिल्ला कार्यसमितिको सभापतिमा संस्थापन पक्षका अरुण सिंह राठौर निर्वाचित भएका छन् । उनले ८ सय ७० मत प्राप्त गरे । उनका प्रतिद्वन्द्वी पौडेल पक्षका भुवनेश्वर चौधरी ६ सय ६८ मत प्राप्त गर्नु भएको थियो ।

निर्वाचित राठौर कांग्रेसको १० र ११ औं महाधिवेशनबाट पनि बर्दियाका सभापति निर्वाचित भएका थिए । एक महिला सदस्यबाहेक सबै प्यानलमा संस्थापन पक्ष निर्वाचित भएका छन् । महासमिति सदस्य २४ जना संस्थापन पक्षका निर्विरोध निर्वाचित भएका छन् ।

उपसभापतिमा गोविन्द प्रसाद थारु आठ सय ६० र सोदे विष्ट आठ सय ५९ मत प्राप्त गरेर विजयी भएका छन् । सचिवमा जग्गाप्रसाद पाण्डे आठ सय २९ र मीनराज चौधरी आठ सय ४७ मत प्राप्त गरेर निर्वाचित भएका छन् ।

सहसचिवमा तिलक लम्साल नौ सय ५३ र मेघबहादुर गुरुङ आठ सय ९२ मत प्राप्त गरेर विजयी भएका सहायक मतदान अधिकृत रोकायले जानकारी दिए ।