एनआरएन अमेरीका निर्वाचन: कृष्ण जिसी द्धारा उपाध्यक्षमा उम्मेद्वारी घोषणा

अष्टिन (टेक्सास)- गैर आवासीय नेपाली संघ (एनआरएन) अमेरीकाको आसन्न निर्वाचनका लागी टेक्सासको अष्टिनबाट कृष्ण जिसीले उपाध्यक्षमा उम्मेद्वारी घोषणा गर्नुभएको छ ।

नेपाल, अमेरीका, बेल्जियम तथा फिलिपिन्सबाट उच्च शिक्षा हासील गरेका जिसीले शुक्रबार एक बिज्ञप्ती जारी गर्दै एनआरएन अमेरीकाको उपाध्यक्षका लागी आफ्नो उम्मेद्वारी घोषणा गर्नुभएको हो ।

अमेरीका लगायत नेपालमा रहंदा बिभिन्न सामाजिक कार्यहरुमा सक्रिय तथा बिभिन्न सामाजिक संघ संस्थाहरुमा आवद्द जिसी नेपालमा गएको महाभुकम्पका बेला अष्टिनमा राहत संकलन गर्न अहोरात्र खट्नुभएको थियो ।

सरल स्वभाव र सबैमाझ सहजै पहुंच बनाउन कुशल जिसीले स्थानीय सामाजिक संघसंस्थाका बिभिन्न कार्यक्रम तथा एनआरएनका कार्यक्रमहरुका लागी पनि सहयोग गर्दै आउनुभएको छ । एनआरएन एनसीसी र एनआरएन आइसीसी संग समन्वय गरी नेपालमा लगानीको बातावरण बनाउन पहल गर्ने, नेपाल सरकार तथा स्थानीय संघ संगठनहरु संग समन्वय गरि नेपाल नेपालीहरुको हितका लागी बिभिन्न एजेण्डाहरु अघि सार्दै जिसीले उपाध्यक्षमा आफु सक्षम भएकोले उम्मेद्वारी घोषणा गरेको बताउनुभएको छ ।

नेपालको बाग्लुङमा जन्मिनुभएका जिसी अष्टिनमा नेपालीहरुको साझा संगठन ग्रेटर अष्टि नेपाली सोसाइटी लगायत स्थानीय अष्टिन हिन्दु टेम्पल, राधामाधव धामका बिभिन्न कार्यक्रममा पनि सक्रिय हुनुहुन्छ । काम गर्न सक्ने व्यक्ति नेतृत्वमा हुनुपर्ने बिचार राख्ने जिसीले आफुले काम गर्नकै लागी उपाध्यक्षमा उम्मेद्वारी घोषणा गरेको बताउनुभएको छ ।