फुटबलका पुर्व कप्तान हरी खड्का विरुद्ध अदालतमा आरोपपत्र दायर

कालपृष्ठ समाचारदाता
नेपालगन्ज, १२ माघ
नेपाली राष्ट्रिय फुटबल टिमका पुर्व कप्तान तथा प्रहरी नायव निरिक्षक हरि खड्काले नक्कली शैक्षिक प्रमाणपत्र पेस गरेर नियुक्ती भएको आरोपमा अख्तियारीले मुद्दा दर्ता गरेको छ ।
बुधबार अख्तियारी दुरुपयोग अनुसन्धान आयोगले खड्का विरुद्ध आरोपपत्र दायर गरेको जनाएको छ । महानगरीय प्रहरी गण नम्बर २ मा दरबन्दी भई हाल राष्ट्रिय प्रहरी प्रशिक्षण प्रतिष्ठान(केन्द्रीय खेलकुद समितिमा) कार्यरत खड्काले प्रमाणपत्र तहको नक्कली पेस गरेको आरोप लागेको छ ।

उनले पेस गरेको माध्यामिक शिक्षा परिषद बाराणशी, उत्तरप्रदेशबाट जारी भएको प्रमाणपत्र नक्कल भएको अनुसन्धानबाट खुल्न आएको छ ।
जसको आधारमा फुटबल प्रशिक्षक समेत रहेका खड्काले २०५५ कात्तिक १ गते खुला प्रतिस्पर्धाबाट प्रहरी सहायक निरिक्षक पदमा नियुक्ति भएका थिए । उनी २०५९ पुस १४ गते प्रहरी नायब निरिक्षकमा बढुवा भएका थिए ।
नक्कली प्रमाणपत्र पेस गरेर सरकारलाई हानिनोक्सानी पु¥याएको भन्दैं उनलाई साविक भ्रष्टाचार निवारण ऐन २०१७ को दफा १२ र प्रचलित भ्रष्टाचार निवारण ऐन २०५९ को दफा १६ को उपदफा १ अनुसार दण्ड सजायको माग गर्दै अख्तियारले विशेष अदालत काठमाडौंमा बुधबार आरोपपत्र दायर गरेको अख्तियारी दुरुपयोग अनुसन्धान आयोगका प्रवक्ता वेदप्रसाद भण्डारीले बताएका छन । नक्कली प्रमाणपत्र पेस गरेको आरोप लागेका खड्काले केहि समय अघि नेपाल प्रहरीबाट राजिनामा दिइसकेका छन ।