‘स्वाभिमान कांग्रेस’ बनाउने सभापति गौडेलको उद्घोष

प्रतिष्पर्धामा जीत हार स्वभाविक पक्रिया भएकोले आन्तरिक निर्वाचनका क्रममा नेतृत्वमा आउन गरिएका सबै प्रयत्नहरुलाई अब उर्जामा बदल्दै सबल, गतिशिल र चलायमान कांग्रेस बनाउन सबै नेता तथा कार्यकर्तालाई सभापति गौडेलले अपिल गरेका छन ।

कालपृष्ठ समाचारदाता
नेपालगन्ज,२४ फागुन
नेपाली कांग्रेस बाँके सभापति नारायाण प्रसाद गौडेलले आगामी स्थानीय, प्रदेश र संघको निर्वाचनमा कांग्रेसलाई जिताउ अर्जुनदृष्टिका साथ कार्यतालिका बनाएर काम गर्ने बताएका छन ।
सभापतिमा निर्वाचित भएपछि पहिलो पटक औपचारिक पत्रकार सम्मेलन गर्दै सभापति गौडेलले कांग्रेसलाई बलियो बनाउन निर्वाचित नयाँ कार्यसमितिले काम गर्ने बताए ।
उनले भने,‘हामी सबै अट्ने र हामी सबैले अरु सबैलाई जित्ने कांग्रेस बनाउनको निम्ति सबैले मिहिनेत गर्न जरुरी छ । कांग्रेस बाँकेको गरिमालाई अझ उचाईमा पु¥याउन सभापतिका हैसियतले मेरो पुरापुर इमान्दार र भगीरथ पर्यत्न रहनेछ ।’
प्रतिष्पर्धामा जीत, हार स्वभाविक पक्रिया भएकोले आन्तरिक निर्वाचनका क्रममा नेतृत्वमा आउन गरिएका सबै प्रयत्नहरुलाई अब उर्जामा बदल्दै सबल, गतिशिल र चलायमान कांग्रेस बनाउन सबै नेता तथा कार्यकर्तालाई सभापति गौडेलले अपिल गरेका छन ।
अधिवेशनमा जीत हासिल गर्ने र उप–विजेता बन्ने सबैलाई समेटेर उर्जावान कांग्रेस दृढ संकल्पका साथ अगाडी बढने उनले बताए ।

‘स्वाभिमान कांग्रेस’ भएर पार्टी जीवनमा अग्रसर हुने वातावरण सृजना गर्ने बताउँदै सभापति गौडेलले आफनो कार्यकालमा पार्टीको मुखपत्र प्रकाशन गरी पार्टीका गतिविधिहरु जनतासमक्ष पु¥र्याउने, पार्टी कार्यालयबाट संचालन गरिने क्रियाकलाप प्रविधिमैत्री बनाउने, संविधान पिता स्वर्गीय सुशील कोइरालाको शालिक उपयुक्त स्थानमा स्थापना गर्ने लगायतका काम गर्ने योजना समेत रहेको सार्वजनिक गरे ।
सभापति गौडेलले निर्वाचन सम्पन्न गर्न सहयोग गर्ने सम्पुर्ण कार्यकर्ता, नेता, पत्रकार, सुरक्षा कर्मी, निर्वाचन समिति लगायत सम्पुर्णलाई हार्दिक आधार प्रकट गरे ।
मंगलबार भएको पत्रकार सम्मेलनमा उप–सभापति गोपाल प्रसाद अधिकारी, कृष्ण बहादुर कार्की, सचिव सुधान्सु कोइराला, सन्जु चौधरी लगायतका अन्य पदाधिकारीको पनि उपस्थित रहेको थियो ।