बस दुर्घटनामा २२ घाइते

प्युठानबाट दाङ आउँदै गरेको बस दुर्घटना हुँदा एकजना बालको मृत्यु हुनुका साथै २२ जना घाइते भएका छन् ।

प्युठानको रातामाटाबाट दाङको घोराही आउँदै गरेको ना ३ ख ७१३२ नम्बरको बस शनिबार बिहान ११ः३० मा दुर्घटनामा परको थियो । बसर माण्डवी गाउँपालिका–२, सेतोपरामा दुर्घटना भएको प्रहरीले जनाएको छ ।

मुत्यु हुनेमा दाङको घोराही–३ का १ वर्षीय बालक अंशु परियार रहेको प्रहरी कार्यालय प्युठानले जनाएको छ । दुर्घटनामा घाइतेहरुको दाङ स्थित राप्ती स्वाथ्य विज्ञान प्रतिष्ठानमा उपचार भई रहेको छ । प्रहरीका अनुसार घाइते सबैको अवस्था सामान्य रहेको छ ।

बसमा करिब ३० जना यात्रु सवार थिए । बस अनियन्त्रित हुँदा सडकदेखि ७० मिटर तल खसेको थियो ।

त्यसैतरी शनिबार दिउँसो १२ बजे सुर्खेतको वीरेन्द्रनगर–११ म टिप्पर र मोटरसाइकल ठोक्किदा एकजना महिलाको मृत्यु भएको छ । रत्नराजमार्ग अन्तर्गत पिपिराबाट धुलियाविटतर्फ गएको ना १ ख ३३०२ नम्बरको टिप्पर र सोही दिशातर्फ आउँदै गरेको भे ७ प १७९९ नम्बरको मोटरसाइकल टिप्परको पछाडि ठोक्किएको थियो ।

दुर्घटनामा मोटरसाइकलमा सवार महिलोका मृत्यु भएको प्रहरीले जनाएको छ ।