रेडपाण्डाको छालासहित ४ जना पक्राउ

प्रकाश सुनार

जिल्ला प्रहरी कार्यालय बाँकेले रेडपाण्डाको छाला सहितचारजनालाई पक्राउ गरेको छ । प्रहरीले नेपालगन्जको नर्सिङहोम अगाडिको एक होटलबाट दुई थान रेडपाण्डाको छालासहित चार जनालाई पक्राउ गरेको हो ।

पक्राउ पर्नेमा डोल्पा जिल्ला त्रिपुरा सुन्दरी नगरपालिका–३ का २३ वर्षीय विकेश बोहरा, ३६ वर्षीय हर्क बहादुर विक, २२ वर्षीय राम कृष्ण शाही र डोल्पा जिल्ला ठुलीभेरी नगरपालिका–१ का २५ वर्षीय सुकराम विक रहेका छन् ।

प्रहरीले रेडपाण्डाको छाला बिक्रीहुँदैछ भन्ने सूचनाका आधारमा जिल्ला प्रहरी बाँकेबाट प्रहरी सहायक निरीक्षक विवेक अधिकारीको नेतृत्वमा गएको टोलीले उनीहरुलाई आइतबार बिहान साढे ११ बजे नियन्त्रणमा लिएको हो ।

प्रहरीले उनीहरुलाई नेपालगन्ज उप–महानगरपालिका–१२ स्थित नेपालगन्ज मेडिकल कलेजको पश्चिमतर्फ रहेको एक होटलको १०५ नम्बर कोठाबाट दुर्लभ वन्यजन्तु रेडपाण्डाको छालासहित पक्राउ गरेको हो ।

त्यसैगरी प्रहरीले पुष्पलालचौकमा नजिक रहेको एक होटलबाट दुईजनालाई लागूऔषध चरेस सहित पक्राउ गरेको छ ।

पक्राउ पर्नेमा कालिकोट जिल्ला खाँडाचक्र नगरपालिका–९ का २५ वर्षीय प्रविन विष्ट र खाँडाचक्र नगरपालिका–७ का २३ वर्षीय राज बहादुर कार्की रहेका छन् ।

उनीहरुलाई प्रहरीले तीन किलो चरेससहित पक्राउ गरेको हो ।

(प्रशिक्षार्थी)