अल्पाइन कलेजको १७औं दीक्षान्त समारोह सम्पन्न

सौरभ राना
नेपालगन्ज, १३ चैत
अल्पाइन म्यानेजमेन्ट कलेजको १७ औं दीक्षान्त समारोह सम्पन्न भएको छ । आइतबार नेपालगन्ज स्थित होटल स्टार लाइटमा भएको दीक्षान्त समारोहमा विद्यार्थीहरुलाई उनका अभिभावकको उपस्थितीमा दीक्षित गरिएको हो ।

५० जना विद्यार्थीलाई दीक्षित गर्ने कार्यक्रम भएपनि आइतबार ३६ विद्यार्थी उपस्थित भएका थिए । दीक्षान्त समारोहका प्रमुख अतिथि पोखरा विश्वविद्यालयका पूर्व डिन डा. गोविन्द लामिछाने, अल्पाइन म्यानेजमेन्ट कलेजका अध्यक्ष इन्जिनियर किरण बहादुर शाह लगायतले विद्यार्थीलाई दीक्षित गरेका थिए ।

प्रतिक्षा गौतम र सुशिल नेपालीले संचालन गरेको कार्यक्रममा कलेजका प्राचार्य केशव प्रसाद पथिकले उपस्थित सबै अतिथिहरुलाई खादा ओडाई स्वागत गरेका थिए ।

प्रमुख अतिथि पोखरा विश्वविद्यालयका पूर्व डिन डा. गोविन्द लामिछानेले डिन लिष्टमा परेका विद्यार्थीहरु फरीन फातिमा हल्वाई, जग्दिश्वरी शाह, माया सुनार, पिलाडेल रत्नचक्मालाई ई. किरण बहादुर शाहले कलेजको तर्फबाट कदर पत्र प्रदान गरेका थिए ।
समारोहमा उपस्थित सम्पुर्ण विद्यार्थी तथा अभिभावकहरुलाई प्रा. डा. बेदराज केसीले धन्यवाद ज्ञापन गरेका थिए ।