झडपमा प्रहरी घाइते

मुड्केचुला गाउँपालिका ९ होर्तमा वाईसियल र नेकपा एमाले कार्यकर्ता वीच झडप भएको छ । होर्त गाउँमा नेकपा एमालेको चुनावी घरदैलो अभियानलाई विथोल्न वाईसियल कार्यकर्ताले एमाले कार्यकर्तामाथि आक्रमण गर्न खोजेपछि दोहोरो झडप भएको हो ।

सुरक्षाककीद्वारा झडपलाई रोक्ने क्रममा वाईसियलले प्रहार गरेको ढुँगा प्रहारवाट सर्मी प्रहरी चौकीमा कार्यरत प्रहरी हवलदार ज्ञानबहादुर बाक्षे मगर घाइते भएका छन् । ढुँगा प्रहारवाट घाइते मगरको टाउँकोमा पाँच ओटा टाँगा लगाइएको र उनको उपचार गाउँमै रहेको निजि मेडिकलमा भइरहेको प्रहरी नायव उपरिक्षक रन्जित थापाले जानकारी दिए ।

ढुँगा प्रहारवाट ०७४ को स्थानीय निर्वाचनवाट निर्वाचित दलित महिला सदस्य दुधकली परियार पनि घाइते भइकी छिन् । उनले देब्रेघुँडामा चोट लागेको नेकपा एमालेका पालिका प्रमुखपदका उम्मेद्वार लंकबहादुर रोकायाले बताइन् ।

झडपलाई नियन्त्रणमा लिनको लागि प्रहरीले एक राउण्ड हवाई फायरसमेत गरेको छ । ढुँगा प्रहारमा संलग्न माओवादी केन्द्र निकट वाइसियल कार्यकर्ता मनिराम बुढा श्रबण कुमार बुढा बिरेन्द्र बुढा हिरे बुढा राजबहादुर बुढालगायत रहेको प्रहरीले जनाएको छ ।

आक्रमणमा संलग्न वाइसियल कार्यकर्ताहरु फरार रहेकोले खोजीकार्य जारी रहेको प्रहरीले जनाएको छ ।