योजनावद्ध रुपमा खेलकुदका गतिविधि छौंः वडा अध्यक्ष रेग्मी

कालपृष्ठ समाचारदाता
नेपालगन्ज, १३ जेठ
मिलन युवा क्लबले नेपालगन्ज उप–महानगरपालिका वडा नम्बर –९ का नवनिर्वाचित अध्यक्ष गोविन्द प्रसाद रेग्मी सहित वडा सदस्यहरुलाई सम्मान गरेको छ ।

स्थानीय मिलन युवा क्लबका पदाधिकारी सहितको टिमले नवनिर्वाचित पदाधिकारीलाई सम्मान गरेको हो । नेपालगन्ज बुलबुलिया स्थित वडा कार्यालयमा बाँके जिल्ला फुटबल संघका अध्यक्ष भोजराज शाही, मिलन युवा क्लबका अध्यक्ष सानु तामाङ, प्रशिक्षक रबिन्द्र श्रेष्ठ लगायतको टिमले नयाँ निर्वाचित वडाका जनप्रतिनिधिलाई सम्मान गरेको हो ।

सम्मान कार्यक्रममा वडा अध्यक्ष रेग्मीले युवाहरुलाई दुव्र्यसनीबाट बचाँउन खेलकुदका गतिविधिलाई बढाउने बताए । उनले वडामा खेलकुदको विकासका लागि नियमित बजेट छुटयाएर योजनावद्ध रुपमा काम गर्ने बताए ।

उनले भने,‘खेलकुद हाम्रो वडाको लागि निकै आवश्यक छ । रंगशाला छेउमा भएर पनि हामीले यसको उचित सदुपयोग गर्न सकेको छैनौं । अब खेलकुदका विज्ञ व्यक्तिहरुको सहभागितामा खेलकुदलाई विशेष प्राथमिकतामा राखेर काम गर्ने मेरो योजना छ । यसले समाज युवाहरुलाई थप सक्रिय बनाउने छ ।’