“सुन साइली”का गायक हेमन्त राना अष्टिन आउंदै

अष्टिन (टेक्सास)-  हाल चर्चामा रहेको “सुन साइली चालिस कटेसी रमाउला” बोलको गितका गायक हेमन्त  राना टेक्सासको अष्टिनमा आउन लागेका छन् ।

अष्टिनमा गर्न लागिएको बृहत सांस्कृतिक कार्यक्रममा आफ्नो प्रस्तुती दिन चर्चित गायक राना सहित नग्मा श्रेष्ठ अष्टिन आउन लागेका हुन् । अष्टिनमा आउने जुन ४ तारिखमा सांस्कृतिक कार्यक्रम गर्न लागिएको र कार्यक्रममा सहभागी हुन साइलीका गायक राना सहित गायिका नग्मा श्रेष्ठ अष्टिन आउने कार्यक्रम आयोजक सनोद कुंवरले जानकारी दिनुभयो ।

जुन ४ तारिख बेलुका ६ बजे पछि शुरु हुने कार्यक्रममा स्थानीय कलाकारको बेजोड प्रस्तुती संगै डिजे नाइटको व्यवस्था समेत गरिएको छ । गायक रानाले सुन साइली चालिस कटेसी रमाउला संगै अन्य चर्चित गितहरुको समेत प्रस्तुती दिने आयोजकले बताएको छ ।

गायक रानाको हाल चर्चाको शिखरमा रहेको सुन साइली चालिस कटेसी रमाउला बोलको गित प्रवासमा रहेका नेपालीहरुले औधी मन पराएको गित हो । सांस्कृतिक कार्यक्रमलाई भव्य बनाउन अष्टिनवासी सबै नेपालीहरुको सहभागिताको अपेक्षा गरेको आयोजकले बताएका छन् । सांस्कृतिक कार्यक्रमका लागी टिकट सिमित भएकोले समयमै टिकट बुकिङ गर्न आग्रह गरिएको र टिकटका लागी अष्टिनमा रहेको एभरग्रिन ग्रोसरी स्टोरमा सम्पर्क गर्न सकिने बताइएको छ ।