बन्दकर्ताद्धारा दाङमा टिप्परमा आगजनी

दाङमा बन्दर्ताले बिहानै सवारीसाधनमा आगजनी गरेका छन् । घोराहीबाट लमहीतर्फ जाँदै गरेको रा १ ख १६९४ नम्बरको टिप्परमा मंगलवार विहान घोराही उपमहानगरपालिका ३ बबई नदीको पुल नजिक आगजनी गरेका हुन ।

चारपाँच जनाको समुहमा रहेका व्यक्तिले टिप्परको अघिल्लो भागमा आगो लगाएर भागेका प्रहरीले जानकारी दिएको छ । आगजनीका कारण टिप्परको अघिल्लो भाग जलेर नष्ट भएको जिल्ला प्रहरी कार्यालय दाङका प्रहरी प्रमुख एसपी सुरेशप्रसाद काफ्लेले जानकारी दिनुभएको छ ।

उहाँका अनुसार प्रहरी घटनास्थलमा पुगेको र आगजनीमा संलग्नहरुको खोजी गरेको रहेको प्रहरी प्रमुख एसपी काफ्लेले जानकारी दिनुभयो ।

बन्दका कारण विहानैदेखि सवारीसाधन तथा बजार पूर्ण रुपमा बन्द रहेको छ । बन्दका कारण बजार,सवारीसाधन,विद्यालयहरु बन्द रहेका छन् ।

नेत्रविक्रम चन्द नेतृत्वको नेपाल कम्युनिष्ट पार्टी, ऋषि कटेल नेतृत्वको नेपाल कम्युनिष्ट पाटी, आहुतीको वैज्ञानिक समाजवादी कम्युनिष्ट पार्टी नेपाल र नेकपा माओवादी समाजवादीले तीन बुँदे राजनीतिक सहमतिका विपरित पार्टीका नेतालाई पक्राउ पुर्जी जारी गरिएको, एमसीसी, भ्रष्टाचार, महंगीलगायतका विरुद्ध नेपाल बन्दको आह्वान गरिएको छ ।