‘राम राज्य रथ यात्रा’ को नेपालगन्जमा भव्य स्वागत

हिन्दुहरुका देवता मर्यादा पुर्षोत्तम श्रीरामको दिग्विजय राम राज्य रथ यात्रा बिहीबार नेपालगन्जमा आईपुगेको छ ।

भगवान् श्री रामचन्द्रको जन्मभूमि अयोध्याबाट शुरु भएको रथ यात्रा भारत र नेपालका विभिन्न शहरहरुको १५ हजार किलोमिटरको यात्रा गर्दै विहिबार नेपालगन्जमा आइपुगेको हो । विजय दश्मीका दिन अयोध्याबाट प्रस्थान गरेको राम राज्य रथ भारतको २२ वटा राज्य र नेपालका ५ वटा प्रदेशहरु भएर पुन: अयोध्या पुगेर महायज्ञ गर्नेछ ।

नेपालगन्जका लागि यात्रा संयोजन गरी रहेका हिन्दु अगुवा ललित रौनियार अनुसार नेपालगन्जको गनापुर स्थित रहेको शनि मन्दिर धाममा पवित्र रथको स्वागत गरी मोटरसाइकल र्‍यालीका साथ नेपालगन्ज नगर परिक्रम गरेर भब्य स्वागत गरिएको हो ।

….

शिव सेना बाँकेको अगुवाईमा भएको रथ यात्राको भब्य स्वागत पश्चात पश्चित नेपाल कै प्रसिद्ध शक्ति पिठ माता बागेश्वरी पार्क स्थित सत्संघ परिसरमा गत राति प्रवचन कार्यक्रम समेत गरिएको थियो ।
भारतको अयोध्याबाट प्रथान गरेको रथ यात्रा भारत र नेपालका विभिन्न राज्यमा रहेका पवित्र स्थलहरुमा प्रवेश गर्दै नेपालगन्जमा बिहीबार दिउँसो ३ बजे नेपालगन्ज आइपुगेको थियो । उक्त रथ यात्रा सनातान हिन्दु एकताको लागि आयोजना गरीएको बुझिएको छ ।

भारतको बैगलोरका जगतगुरु स्वामी सत्यनन्द सरस्वतीको नेतृत्वमा विभिन्न स्थानको परिक्रमा गर्दै हिन्दु एकताको ध्रुवीकरण गर्ने बताईएको छ ।

नेपालगन्ज हुदैँ महाकाली गड्डाचौकीबाट आयोध्या पुगेर समापन हुने कार्याक्रम रहेकोमा बिहीबार मानिकापुरको कोठारपुरमा रहेको शनिदेव मंदिरमा स्वागत गरिएको थियो । यो रथ यात्रा ६० दिनमा १५ हजार किलोमिटर तय गर्नेछ ।

….

….

नेपालगन्ज शहरको परिक्रममा गर्दै हनुमन्त गौशाला प्रांगणमा राती विश्राम पछि शुक्रबार नेपालगन्जबाट टीकापुर र त्यहाँबाट अतरिया हुँदै महेन्द्रनगर, गड्डाचौकी टनकपुर हुँदै भारतको उत्तराखंड प्रदेशमा प्रवेश गर्ने रुट तय गरीएको आयोजकले जनाएको छ ।