अंग्रेजी नयाँ वर्षमा सिद्धार्थले विशेष कार्यक्रम गर्ने

कालपृष्ठ समाचारदाता
नेपालगन्ज, १४ पुष
अंग्रेजी नयाँ वर्ष २०२३ को अवसर पारेर नेपालगन्जको होटल सिद्धार्थ भ्युले विशेष साँस्कृतिक कार्यक्रम सहित ‘न्यु एयर इभ’ गर्ने तयारी गरेको छ । सिद्धार्थले यसअघिका वर्षमा पनि अंग्रेजी नयाँ वर्ष लगायतका विभिन्न पर्वहरुमा विशेष कार्यक्रमको आयोजना गर्दै आएको छ ।

…………

‘न्यु एयर इभ’ मा चर्चित गायक प्रमोद खरेलले आफ्नै ब्याण्डसहित प्रस्तुती देखाउने सिद्धार्थ गु्रप अफ हस्पिटालिटीका क्षेत्रीय प्रबन्धक केशव न्यौपानेले बताए ।
उनले भने, ‘गायक प्रमोद खरेलले यसअघि म्युजिक ट्रयाकमार्फत गीत गाउनु हुन्थ्यो । यसपटक आफ्नै ब्याण्ड लिएर उहाँ नेपलागन्ज आउँदै हुनुहुन्छ । अंग्रेजी नयाँ वर्षमा यसपटक फरक खालको प्रस्तुती हुनेछ ।’

नेपालगन्जबासीलाई ‘न्यु एयर इभ’ मा मनोरञ्जन प्रदान गर्ने उद्देश्यले काठमाण्डौंबाट चर्चित गायक खरेललाई नेपालगन्जमा ल्याएर साँस्कृतिक कार्यक्रम गर्न लागिएको उनले बताए । साँस्कृतिक कार्यक्रममा स्थानीय ब्याण्डसहित डिजेको पनि प्रस्तुती रहनेछ । यसैगरी होटेल सिद्धार्थ भ्युले नयाँ वर्षको अवसरमा आकर्षक छुट सहितका बिभिन्न प्याकेजको ब्यबस्था मिलाएको जनाएको छ ।

क्षेत्रीय प्रबन्धक न्यौपानेका अनुसार कार्यक्रममा सहभागी हुने प्रतिब्यक्ती २ हजार २ सय रुपैयाँ तोकिएको छ । यस्तै जोडीका लागि ४ हजार रुपैयाँ र १२ वर्षभन्दा मुनिका बालबालिकालाई प्रतिब्यक्ती १ हजार २ सय रुपैयाँ तोकिएको बताए । ‘यही शुल्कबाट हामीले खानाका प्याकेजहरु दर्शकलाई उपलब्ध गराउनेछौं,’ न्यौपानेले भने ।

स्वदेशी तथा विदेशी पर्यटकलाई लक्षित गरेर सिद्धार्थ गु्रप अफ हस्पिटालिटीले नेपालगन्जको कारकाँदोमा चारतारे उक्त होटल सञ्चालन गरिरहेको छ । नेपालगन्जमा निकै आर्कषक र सुन्दर वातावरणमा सिद्धार्थ होटलले सबैभन्दा अग्लो स्थानमा ‘रुफटप’ रेष्टुरेण्ट र बार पनि संचालन गरिरहेको छ ।