समाजसेवी शाहीको सहयोगमा नेपालगन्जको मुख्य ठाउँमा दाउरा वितरण

………….

कालपृष्ठ समाचारदाता
नेपालगन्ज, २६ पुष
गुरुकुल बचत तथा ऋण सहकारी संस्था लिमिटेडको सदस्य एवम् समाजसेवी संगीता शाहीले चिसोबाट प्रभावितहरुलाई सहयोग गर्ने उद्देश्यले दाउरा वितरण गरेकी छिन् । नेपालगन्ज उप–महानगरपालिका वडा नम्बर–२ का विभिन्न स्थानमा शाहीको सहयोगमा करिब २५ क्विन्टल दाउरा वितरण गरिएको हो ।
दाउरा वितरणको संयोजन गुरुकुल बचत तथा ऋण सहकारी संस्था लिमिटेडका ऋण शाखा प्रमुख एवम् राष्ट्रिय प्रजातन्त्र पार्टी(राप्रपा) नेपालगन्ज उप–महानगरपालिका वडा नम्बर–२ इकाई कमिटीका कोषाध्यक्ष विष्णुनाथ योगीले गरेका थिए । योगीको व्यवस्थापनमा नेपालगन्ज वडा नम्बर २ भित्रमा बागेश्वरी मन्दिर परिसर, बाल्मिकी टोल, हनुमानगढी मन्दिर, त्रिवेणीमोड, न्युरोडको भानुभक्त चोक लगायतका स्थानमा दाउरा वितरण गरिएको थियो ।

दाउरा वितरणमा आर्थिक सहयोग गर्ने संगीता शाही होटल व्यवसायी हुन् । यसअघि पनि विभिन्न धार्मिक एवम् सामाजिक कार्यमा आफुले सहयोग गर्दै आएको समाजसेवी शाहीले कालपृष्ठ दैनिकलाई बताई ।
मंगलबार शाहीको सहयोगमा नेपालगन्जको वडा नम्बर २ भित्र पर्ने महत्वपुर्ण स्थानमा दाउरा वितरण गरिएको विष्णुनाथ योगीले बताए । पछिल्ला दिनहरुमा चिसो बढदै गएको हुनाले गरिब, निम्न वर्गका मानिसलाई आगो ताप्न सहयोग गर्ने उद्देश्यले दाउरा वितरण गरिएको योगीले बताए ।