कुमारी बैंकद्वारा १० लाख रुपैयाँको बीमा रकम भुक्तानी

कालपृष्ठ समाचारदाता
नेपालगन्ज, २४ बैशाख

कुमारी बैंक लिमिटेडले परिवार सुरक्षा बचत खाता योजना अन्तर्गत खाताबाहक परिवारलाई १० लाख रुपैयाँको दुर्घटना बीमा रकम भुक्तानी गरेको छ । कुमारी बैंक लिमिटेडको नेपालगञ्ज शाखामा परिवार सुरक्षा बचत खाता खोलेका लोकेन्द्र भन्डारीको तीन महिना पहिले सडक दुर्घटनामा मृत्यु भएको थियो ।

सडक दुर्घटनामा श्रीमानको मृत्यु भए पछि कुमारी बैकले परिवार सुरक्षा बचत खाता योजना अन्तर्गत मृतकको श्रीमति हेमु खत्री भण्डारीलाई रकम हस्तान्तरण गरिएको हो । कुमारी बैंकले कुमारी परिवार सुरक्षा बचत खातामा आकर्षक बीमा सुविधा उपलब्ध गराउँदै आएको छ । कुमारी परिवार सुरक्षा बचत खाता खोल्दा खाताबाहकले कम्तीमा १० हजार रुपैया बचत राख्नु पर्छ ।

यस खातामा खातावाला सहित परिवारका चार जना सदस्यले २६ लाख रुपैयाँ सम्मको बीमा सुविधा प्राप्त गर्न सक्छन । सो खातामा दुर्घटना मृत्यु, चिकित्सा उपचार र गम्भीर रोगहरुकालागि बीमा सुविधा प्रदान गरिन्छ । कुमारी बैंकले विगत ४ वर्ष देखि ग्राहकहरुको सुविधाकालागि परिवार सुरक्षा बचत खाता योजना मार्फत बिमा लगायत अन्य उत्कृष्ट सुविधा प्रदान गर्दै आएको छ ।