पोखराका सडक सरसफाई गर्दै हेल्थ कलेजका विद्यार्थी

कालपृष्ठ समाचारदाता
नेपालगन्ज, १२ असार
नेपालगन्ज हेल्थ कलेजमा डिप्लोमा इन फार्मेसी तेस्रोमा अध्ययन् गरिरहेका विद्यार्थीले पोखरा भ्रमणका क्रममा सहरका विभिन्न स्थानमा सरसफाई गरेका छन् । मंगलबार नेपालगन्ज हेल्थ कलेजका विद्यार्थीले लेकसाईड बजार देखि चिप्ले ढुंगा हुँदैं पृथ्वीचोक सम्मको सडकमा सरसफाई गरेका थिए । सरसफाईमा हेल्थ कलेजका ४० विद्यार्थीसँगै कलेजकी प्रतिनिधि पदमा थापाको नेतृत्वमा सहरका विभिन्न स्थानका सडकमा भएका फोहोरहरुलाई सरसफाई गरिएको थियो ।

पोखरा भ्रमणमा रहेको नेपालगन्ज हेल्थ कलेजको टोलीले यसअघि पनि विभिन्न सामाजिक कार्य गरेको थियो । गत शनिबार हेल्थ क्याम्पसका विद्यार्थीले पोखरामा भएको यति एयरको विमान दुर्घटनामा मृत्यु भएकाहरुको सम्झनामा समवेदना प्रकट गरेका थिए । गत २०७९ माघ १ गते पोखरामा यति एयरलायन्सको ९ एनएएनसी एटीआर ७२ जहाज दुर्घटना हुँदा ७२ जनाको मृत्यु भएको थियो ।

दुर्घटना मृत्यु हुनेहरुको सम्झनामा नेपालगन्ज हेल्थ क्याम्पसको डिप्लोमा इन फार्मेसी तेस्रो वर्षका ४० जना विद्यार्थीहरुले दुर्घटना स्थलमा गएर पाँच मिनेट मौन धारण समेत गरेका थिए । अध्ययन भ्रमणमा पोखरा गएको नेपालगन्ज हेल्थ क्याम्पसका विद्यार्थीको टिमले मन्दिरको सरसफाईसँगै अन्य विभिन्न सामाजिक कार्यहरु समेत गरेको क्याम्पसकी प्रतिनिधि पदमा थापाले बताईन् । नेपालगन्ज उप–महानगरपालिका वडा नम्बर–१० स्थित आर्दश नगरमा रहेको नेपालगन्ज हेल्थ क्याम्पस पश्चिम नेपालमा स्वास्थ्य क्षेत्रमा दक्ष जनशंक्ति उत्पादन गर्ने कलेजका रुपमा चिनिन्छ ।

……………

……………