टुर दि ठाकुरद्वारा अब ‘बिवाइडी टुर दि ठाकुरद्वारा’

कालपृष्ठ समाचारदाता
नेपालगन्ज, १८ माघ

नेपालगन्ज साइक्लिङ क्लब ले यही माघ २५,२५ र २७ मा आयोजना गर्न लागेको नेपालगन्ज साइकल उत्सव को अन्तिम तयारीमा पुगेको जनाएको छ । क्लब का अध्यक्ष प्रदीप सापकोटा का अनुसार नेपालगन्ज साइकल फेस्टिभल अन्तर्गतको टुर दि ठाकुरद्वारा लाई बिश्वकै अग्रणी इभि बिवाइडी ले टाइटल स्पोन्सर गर्ने सम्झौता क्लब र गाडी बिक्रेता बीच भए सङ्गै अब टुर दि ठाकुरद्वारा ॅबिवाइडी टुर दि ठाकुरद्वारा’ भनेर आयोजना गरिने अध्यक्ष प्रदीप सापकोटाले बताए ।

बिवाइडिका नेपालगन्ज बिक्रेता टिम इलिभेन इभि प्रालि लिमिटेड का संचालक बसन्त भण्डारीले नेपालकै नियमित आयोजना हुँदै आएको साइकलको सबैभन्दा ठुलो इभेन्ट सङ्ग सहकार्य गर्न लागेको जनाउदै खुशी व्यक्त गरे ।

क्लबले कार्यक्रममा देशभर र भारतीय सहर बाट समेत गरि ३०० जना साइकल यात्रीहरु यो इभेन्टमा सहभागी हुने जनाएको छ । कार्यक्रम नेपालगन्जको बागेश्वरी मन्दिर बाट सुरु भै बाके / बर्दियाका विभिन्न पर्यटकीय गन्तव्य छिचोल्दै बर्दिया राष्ट्रिय निकुञ्जको ठाकुरद्वारासम्म को १०० किलोमीटर साइकल यात्रा पुरा गरिने क्लबका बरिस्ठ उपाध्यक्ष सुरेन्द्रदिप कार्कीले बताए ।