बाग्मती नवौ डाँफे कपको फाइनलमा प्रवेश

कालपृष्ठ समाचारदाता
खजुरा, २१ माघ

बाँकेको खजुरामा जारी नवौ डाँफे कप नक आउट फुटबल खेल प्रतियोगिताको सेमि फाइनल खेलमा आयोजक टिमलाई हराउँदै बाग्मती स्पोर्टस क्लब फाइलन प्रवेश गरेको छ । आइतबार खजुराको मिनि रंगशाला मैदानमा भएको खेलमा २-१ को अन्तरले हराउँदै बाग्मति स्पोर्टस क्लबले फाइनलको यात्रा तय गरेको हो ।

८ औं डाँफे कपको उपाधि जितिसकेको बाग्मती स्पोर्टस क्लबले आइतबार भएको खेलको ९ मिनेटमा बाग्मतीका खेलाडी श्याम ब्यादीले पहिलो गोल गरेका थिए । पहिलो गोल गरेर खेललाई दवाबमा पारेको बाग्मती विरुद्ध न्यु डाँफेका खेलाडी ओम प्रकाश चौधरीले २२ औं मिनेटमा गोल गरि बराबरीमा ल्याए ।

…………

पुन खेलको ३३ मिनेटमा बाग्मती स्पोर्टस क्लबका अर्का खेलाडी विमल क्षेत्रीले गोल गरेका थिए । विमलले गरेको गोल नै खेलको अन्तिम गोल बन्न पुग्यो । खेलको म्यान अफ द म्याच बाग्मती स्पोर्टस क्लबका गोल किपर सुदिप शाहि बने । प्रचार संयोजक खगेन्द्र दाहालका अनुसार म्यान अफ द म्याच घोषित खेलाडि गोल किपर शाहिले नेपालगन्जमा रहेको थोपा प्रयोगशालाको तर्फबाट नगद ११ सय प्राप्त गरे ।
म्यान अफ द म्याच थोपा प्रयोगशालाका सुलभ आचार्यले प्रदान गरेका थिए ।

खेल संयोजक तिलक विर सुनारका अनुसार सोमबार दोस्रो सेमिफाइनल खेल न्यु दर्पण स्पोर्टस क्लब र रेसिङ्ग साहारा विच हुने छ । माघ १५ गतेदेखि सन्चालनमा रहेको नवौ डाँफे कप नक आउट फुटबल खेल प्रतियोगिताको फाइनल माघ २३ गते हुनेछ । न्यु डाँफे स्पोर्टस क्लबका अध्यक्ष हरि प्रकाश विकका अनुसार नवौ डाँफे कप नक आउट फुटबल खेल प्रतियोगिताको विजेता टिमले नगद १ लाख ५५ हजार ५ सय ५५ रुपैया नगद पाउने छन ।
प्रथम पुरस्कार राशि हाल अमेरिकामा रहेका खजुरा गाउँपालिका वडा नम्बर ४ डि गाउँ निवासी लिल बहादुर थापाले सौजन्य गरेका हुन । खेल प्रतियोगितामा उप विजेता हुने टिमलाई ८५ हजार ५ सय ५५ पाउने छन । दोस्रो पुरस्कार प्रतिक निर्माण सेवाले सौजन्य गरेको खेल संयोजक तिलकविर सुनारले बताए ।

साथमा विजेता र उप विजेता टिमलाई मेडल तथा प्रमाणपत्रबाट पुरस्कृत गरिने प्रतियोगितामा उत्कृष्ट खेलाडी, गोलकिपर र सर्बाधिक गोलकर्तालाई पनि नगद २ हजार ५ सय रुपिया प्रदान गरिने क्लबका अध्यक्ष बिकले बताए । प्रतियोगितामा १४ टिमले भाग लिएका छन ।