सेन्ट जेभियर्स र नेपालगन्ज मोडेल फाइनलमा

मेयर कप अन्तर विद्यालय फुटबल

कमल खत्री
नेपालगन्ज, २२ माघ

मेयर कप अन्तर विद्यालय छात्र–छात्रा फुटबल प्रतियोगिताको छात्रतर्फ नेपालगञ्ज सेन्ट जेभियर्स र नेपालगञ्ज मोडेल एकेडेमी फाइनलमा प्रवेश गरेका छन् । छात्रातर्फ मनकामना मावि, खजुरा फाइनलमा पुगेको छ ।

नेपालगञ्ज उपमहानगरपालिकाको सहयोगमा बाँके जिल्ला फुटबल संघले आयोजना गरेको प्रतियोगितामा सेन्ट जेभियर्सले जय बागेश्वरी र नेपालगञ्ज मोडेलले कृष्ण माविलाई पराजित गर्दै फाइनलमा पुगेका हुन् ।

धम्बोझीस्थित एन्फा ग्रासरुट ट्रेनिङ सेन्टरमा भइरहेको प्रतियोगितामा सेन्ट जेभियर्सले जय बागेश्वरीलाई १–० गोलले पराजित ग¥यो । ४५ मिनेटमा आशिष सुनारले गरेको गोल नै निर्णायक भएको थियो । सेन्ट जेभियर्सका आशिष सुनार म्याद अफ द म्याच हुनु भयो । उहाँलाई केएल दुग्गर्डका कार्यकारी प्रवन्धक प्रदीप कुमार छाजेडले पुरस्कृत गर्नु भयो ।

अर्को खेलमा नेपालगञ्ज मोडेलले कृष्ण माविलाई ट्राइबेकरमा ३–० गोलले पराजित ग¥यो । निर्धारित समयमा दुवैतर्फबाट २–२ गोल भएको थियो । ७ मिनेटमा रब्बु मल्लको गोलबाट मोडेलले अग्रता लिएको थियो । १८ मिनेटमा कृष्ण माविका निर्मल परियारले गोल गरेर बराबरी गर्नु भयो । २७ मिनेटमा योगेश शाही ठकुरीको गोलबाट पुनः मोडेलले अग्रता लिएको थियो । ४३ मिनेटमा विकाल बाह्रघरेले गोल गरेर कृष्ण माविलाई बराबरीमा लग्नु भएको थियो ।

ट्राइबेकरमा मोडेलका विनोद शाही, रब्बु मल्ल र रुपेश बोहराले गोल गर्नु भयो । कृष्ण माविका निर्मल परियार, विशाल बाह्रघरे र विनोद सार्कीले गोल गर्न सक्नु भएन । मोडेलका गोकर्ण पुनमगर म्यान अफ द म्याच हुनु भयो । उहाँलाई भेरी अस्पताल नेपालगञ्जका पूर्व मोडिकल सुपरीटेन्डेन्ट डा. बद्री चापागाईले पुरस्कृत गर्नु भएको थियो ।

यसैगरी छात्रातर्फ मनकामना मावि खजुरा फाइनलमा पुगेको छ । जनसेवा मावि, गिजरालाई ट्राइबेकरमा ४–३ गोलले पराजित गर्दै मनकामना फाइनलमा पुगेको हो । निर्धारित समयमा दुवै टोलीले १–१ गोल गरेका थिए । मनकामनाका लक्ष्मी विकले २२ मिनेटमा गोल गरेकी गर्नु भएको थियो । जनसेवाका पुष्पा कामीले ४० मिनेटमा गोल गरेर खेल बराबरीमा लग्नु भएको थियो ।

ट्राइबेकरमा मनकामनाका स्मारिका बुढाक्षेत्री, लक्ष्मी विक, वर्षा बुढामगर र सुस्मिता रोकायले गोल गर्नु भयो । संगीता पुनःमगर र विनिता चलाउनेले गोल गर्न सक्नु भएन । जनसेवाका पुष्पा कामी, ज्योति कँडेल र विनिता विकले गोल गर्नु भयो भने करुणा न्यौपाने, सदिक्षा बोहरा र दिलकुमारी रानाले गोल गर्न सक्नु भएन ।

………..

अब उपाधीको लागि मनकामनाले नेपालगञ्ज मोडेल एकेडेमीसँग प्रतिस्पर्धा गर्नेछ । छात्र र छात्रा दुवैको फाइनल खेल बुधबार हुने एन्फाका केन्द्रीय सदस्य एवं बाँके जिल्ला फुटबल संघका अध्यक्ष भोजराज शाहीले जानकारी दिनु भयो ।
प्रतियोगितामा छात्रतर्फ २८ वटा र छात्रातर्फ ५ वटा स्कूलले भाग लिएका छन् । प्रतियोगिताको विजेताले २१ हजार उपविजेताले ११ हजार प्राप्त गर्नेछन् ।

………..