संघारी भेट्रान कपको उपाधि खजुरा–११ लाई

कालपृष्ठ समाचारदाता
नेपालगन्ज, २१ चैत

दोस्रो संघारी भेट्रान कप २०८० को उपाधिखजुरा–११ ले जितेको छ । बुधबार नेपालगन्ज उप–महानगरपालिका वडा नम्बर १२ स्थित खेल मैदानमाभएको फाइनलमा खजुरा–११ ले आयोजक एफसी संघारीलाई २–० ले हरायो ।

विजयी खजुरा–११ को लागि अर्जुन सुनार र कृष्ण खत्रीले १–१ गोल गर्नु भएको थियो । चैत १७ देखि सुरु भएको प्रतियोगितामा ९ टिमको सहभागिता रहेको आयोजक एफसी संघारी क्लबका अध्यक्ष प्रेम चौधरीले बताउनु भयो ।

प्रतियोगिताको विजयी खजुरा–११ ले प्रमाणपत्र, मेडल, ट्रफी सहित २५ हजार नगद र उपविजेता एफसी संघारीका खेलाडीले प्रमाणपत्र, मेडल, ट्रफी सहितनगद १५ हजार रुपैयाँ प्राप्त गर्नु भयो ।

प्रतियोगिताको विजेता तथा उप–विजेता खेलाडीलाई आयोजक एफसी संघारी क्लबका अध्यक्ष प्रेम चौधरी, अखिल नेपाल फुटबल संघका केन्द्रिय सदस्य एवम् बाँके जिल्ला फुटबल संघका अध्यक्ष भोजराज शाही, नेपालगन्ज उप–महानगरपालिका वडा नम्बर १२ अध्यक्ष तरुण बज्राचार्य, बाँके जिल्ला फुटबल संघका महासचिव कमलखत्री लगायतले पुरस्कृत गर्नु भएको थियो ।

कार्यक्रममा केन्द्रिय सदस्य भोजराज शाहीले बाँकेमा संघारी एफसीले फरक किसिमको फुटबल प्रतियोगिताको आयोजना गरेर फुटबल खेलको विकासमा सहयोग गरेको बताउनु भयो ।