कांग्रेस महामन्त्री पदको उम्मेदवार अमर सिंह पुनको सचिवालय बागबजारमा

कालपृष्ठ समाचारदाता
काठमाडौं, १७ असोज
नेपाली कांग्रेसको १५औं महाधिवेशनमा महामन्त्री पदको उम्मेदवार अमर सिंह पुनले महाधिवेशनमा आउनु भएका सम्पुर्ण प्रतिनिधि तथा कांग्रेसका शुभेच्छुकहरुलाई स्वागत गर्नु भएको छ । काठमाडौैंमा असोज १८ गते देखि कांग्रेसको १५औं महाधिवेशन सुरु हुँदैछ ।

काठमाडौंमा खुलामंचमा १५औं महाधिवेशनको उद्घाटन समारोह आयोजना गर्ने तयारी भैरहेको छ । नेपाली कांग्रेस लुम्बिनी प्रदेश सभापति एवम् संविधान सभा सदस्य पुनले यस पटक महामन्त्रीमा उम्मेदवारी दिदैं हुनुहुन्छ ।
महाधिवेशनलाई सफल बनाउन देशभरबाट उत्साह जनक रुपमा आउनु भएका सम्पुर्ण महाधिवेशन प्रतिनिधिले कांग्रेसको नयाँ विचार र संगठनलाई बलियो बनाउने जिम्मेवारी सहित आफुलाई निर्वाचित गराउनु पुनले विश्वास व्यक्त गर्नु भयो ।

यसैगरी काठमाडौंमा महामन्त्री पदका उम्मेदवार अमरसिंह पुनको निर्वाचन लक्षित सचिवालय शनिबारबाट सन्चालनमा आएको छ । काठमाडौंको बागबजारस्थित होटल हार्दिकमा सचिवालय सन्चालनमा आएको हो । सचिवालयको जिम्मेवारी सम्हालेका अनुपम जिसीले आसन्न महाधिवेशन र निर्वाचन लक्षित सबै कामहरु यही स्थानबाट सुरु गरिएको बताउनु भयो । उहाँले भन्नु भयो,‘निर्वाचन लक्षित हाम्रा कामहरु होटल हार्दिकबाट सुरु गरेका छौ । होटलको दोस्रो तल्लामा सचिवालय बनेको छ । महाधिवेशन स्थल खुल्ला मन्च नजिकै भएकाले सचिवालय उपयुक्त स्थानमा राखिएको छ ।

सचिवालयमा उम्मेदवार पुनलाई भेटघाट गर्न नेता तथा कार्यकर्ताहरु आउनेक्रम चलिरहेको छ । सचिवालयमा कार्यकर्ता भेटघाटका क्रममा पार्टीका लुम्बिनी प्रदेश सभापति समेत रहेका महामन्त्री पदका उम्मेदवार पुनले आफुले पार्टीमा गरेको कामका आधारमा महामन्त्री पदमा उम्मेदवारी दिन लागेको र महाधिवेशनमा आउने प्रतिनिधिहरुले आफुलाई विश्वास गर्ने बताउनु भयो ।