पुर्व प्रधानमन्त्री स्व. सुशिल कोइरालाका भतिज सुधान्सुले केन्द्रीय सदस्यमा उम्मेदवारी दिदैं

कालपृष्ठ समाचारदाता
काठमाडौं, २० असोज

कोइराला परिवारको कान्छो सदस्य नेपाली कांग्रेस बाँकेका सचिव सुधान्सु कोइरालाले नेपाली कांग्रेसको १५औं महाधिवेशनमा केन्द्रीय सदस्य पदमा उम्मेदवारी दिने घोषणा गर्नु भएको छ । नेपाली कांग्रेसको नयाँ नेतृत्व छनोटको लागि आज बिहान १०ः३० बजे देखि ४ बजे सम्म मनोनयन दर्ता गर्ने समय रहेको छ ।

नेपाली कांग्रेसका युवा नेता कोइरालाले आम कार्यकर्ता र महाधिवेशन प्रतिनिधिले आफुलाई विजयी गराउने विश्वास व्यक्त गर्नु भएको छ । सुधान्सुले कांग्रेसको खुल्लातर्फ केन्द्रीय सदस्यमा उम्मेदवारी दिन लाग्नु भएको हो ।

उहाँले भन्नु भयो, ‘पार्टीको १५ औं महाधिवेशनमा खुल्लातर्फ केन्द्रीय सदस्यमा उम्मेदवारी दिन लागेको छु । हजुरहरु सम्पूर्णको साथ र सहयोगको अपेक्षा गर्दछु ।’
कोइराला पुर्वप्रधानमन्त्री एवम् नेपाली कांग्रेसका पुर्व सभापति स्वर्गिय सुशिल कोइरालाका भतिजा हुनुहुन्छ । उहाँको पिता स्वर्गिय डा. अरुण कोइराला र माता किरण कोइराला नेपाली कांग्रेस बाँकेको पुर्वसभापति हुनुहुन्छ । नेपाली कांग्रेसको १३ औं महाधिवेशनमा नेपाली कांग्रेस बाँकेको जिल्ला कार्यसमिति सदस्यमा अत्यधिक मतका साथ निर्वाचित हुनु भएको थियो । यसैगरी १४औं महाधिवेशनमा पार्टीको जिल्ला सचिवमा लोकप्रिय मतका साथ निर्वाचित हुुुनु भएको थियो सुधान्सु ।