ग्रेटर अष्टिन नेपाली सोसाइटीद्धारा बिभिन्न कार्यक्रमहरु सार्वजनिक

टेक्सास (अष्टिन) – ग्रेटर अष्टिन नेपाली सोसाइटी (ग्यान्स)ले आफ्ना बिभिन्न कार्यक्रमहरु सार्वजनिक गरेको छ ।

करिब दुई साता अघि नयां कार्यसमिती निर्वाचित भएपछि ग्यान्सकार्यसमितीको पहिलो बैठकले कानुनी परामर्श देखी नेपाली नयां वर्षको अवसरमा आयोजना गरिने बनभोज तथा खेलकुद र स्वास्थ्य शिविर तथा रक्तदान सम्मका कार्यक्रम सार्वजनिक गरेको छ । सम्पुर्ण तयारी पुरा गर्न तथा कार्यक्रमलाई भव्य बनाउन बिभिन्न कार्यक्रमहरु सार्वजनिक गरिएको र सबै कार्यक्रममा सहभागिताको लागी आग्रह गरिएको ग्रेटर अष्टिन नेपाली सोसाइटीका नवनिर्वाचित अध्यक्ष देबराज न्यौपानेले बताउनुभयो ।

अष्टिनका नेपालीहरुको साझा संस्था ग्यान्सले यसअघि पनि बिभिन्न कार्यक्रम गर्दै आएकोमा यसपटक एकै पटक ४ वटा कार्यक्रम सार्वजनिक गरेको हो । तत्कालै अर्थात यही फेब्रुअरी १९ तारिख आइतवार आयोजना गरिएको कानुनी परामर्श तथा छलफल कार्यक्रम पनि बर्तमान अवस्थामा प्रभावकारी तथा फाइदाजनक रहेकोले कार्यक्रममा उपस्थित हुन आग्रह गरिएको ग्यान्स कार्यसमिती सदस्य रामप्रसाद के सी ले जानकारी दिनुभयो । कानुनी परामर्श तथा छलफल कार्यक्रममा कानुनविद खगेन्द्र जि.सी. उपस्थित हुने भएकोले महत्वका साथ हेरिएको छ ।

ग्यान्सले सार्वजनिक गरेका कार्यक्रम, समय र स्थान निम्नअनुसार छन् ।  

१) कानुनी परामर्श तथा छलफल कार्यक्रम:
Sunday, February 19, 2017 at Pflugerville Public Library, 1008 Pfluger St W, Pflugerville, TX 78660 (1pm)
इमिग्रेसन सम्वन्धी अहिलेको नयाँ सरकारी नीतिबाट सिर्जित अन्यौलतालाई प्रष्ट पार्ने तथा अपनाउन पर्ने सजगताका साथै कसरी सहयोग गर्न सकिन्छ भन्ने बिषयमा बरिष्ठ कानुनविद तथा एनआरएन अमेरिका पूर्व अध्यक्ष खगेन्द्र जिसी लगायतसँग कानुनी परामर्श तथा छलफल कार्यक्रम |

२) निःशुल्क स्वास्थ्य सिविर तथा रक्तदान:
Sunday, March 12, 2017 at Austin Hindu Temple & Community Center, 9801 Decker Lake Rd, Austin, TX 78724

३) नेपाली नयाँ बर्ष २०७४ को अवसरमा New Year Cup Tournament (Soccer, Volleyball and Kids Basketball) उद्घाटन कार्यक्रम:
Sunday, March 19, 2017, 11am
East Metropolitan Park, 18706 Blake Manor Rd, Manor, TX 78653

४) नेपाली नयाँ बर्ष २०७४ को अवसरमा बनभोज कार्यक्रम:
Saturday, April 15, 2017 (बैशाख २ गते २०७४) at East Metropolitan Park, 18706 Blake Manor Rd, Manor, TX 78653