प्रधानमन्त्री शेरबहादुर देउवाले आज विश्वासको मत लिदैं

कालपृष्ठ डेक्स
प्रधानमन्त्री शेरबहादुर देउवाले आज प्रतिनिधिसभामा विश्वासको मत लिनका लागि संसद सचिवालयमा प्रस्ताव दर्ता गरेका छन । पुनस्थापित प्रतिनिधि सभाको बैठक आइतबार अपरान्ह ४ बजेका लागि बोलाइएको छ ।
संविधानको धारा ७६ को ५ अनुसार प्रधानमन्त्री नियुक्त बनेका देउवाले एक महिनाभित्र संसदमा विश्वासको मत लिनु हुन्छ । नेकपा (एमाले) वरिष्ठ नेता माधवकुमार नेपाल समूहका सांसदहरूको समर्थनमा प्रधानमन्त्री बनेका देउवाले पुनस्र्थापित प्रतिनिधि सभाको पहिलो बैठकमै विश्वासको मत लिने तयारी गरेका हुन । प्रतिनिधि सभा नियमावलीमा प्रधानमन्त्रीले विश्वासको मत लिने प्रस्ताव दर्ता गराएपछि सभामुखले समय र मिति तोक्ने व्यवस्था छ। सभामुखले आजै दोस्रो बैठक राखेर विश्वासको मत लिने प्रस्ताव अगाडि बढाउनेछन ।
एमालेका सांसदहरुको मत नपाउने भने हो प्रधानमन्त्री देउवाले विश्वासको मत पाउँदैनन र फेरि प्रतिनिधिसभा विघटन हुन्छ ।  हाल कायम २७१ सदस्यीय प्रतिनिधिसभाको सबभन्दा ठूलो दल एमालेका १२१ सांसद छन । एमालेका सांसदको समर्थन बिना देउवाले विश्वासको मत लिन सक्दैनन । चौथो ठूलो दल जनता समाजवादी पार्टी (जसपा)मा विवाद छ । निर्वाचन आयोगमा आधिकारिता विवाद चलिरहेको यो पार्टीका ३२ सांसद एक ठाउँमा उभिएर देउवालाई मत हाल्ने सम्भावना कम छ ।
देउवालाई समर्थन गरिरहेको उपेन्द्र यादव पक्षसँग हाल १७ सांसद देखिएका छन, जुन २० पुग्ने नेताहरुको दाबी छ । यसले पनि देउवालाई संसदमा विश्वासको मत दिलाउन पुग्दैन ।