फरक पुस्ताबिच आत्मीय सम्बन्धको विकास गर्दै युरो वेवी जोन स्कुल

कालपृष्ठ समाचारदाता
नेपालगन्ज, २४ मंसिर

फरक पुस्ताहरु बिच आत्मीय सम्बन्धको विकास गर्ने वातावरणको विकास गर्ने उद्देश्य सहित बाँके नेपालगन्जको युरो वेवी जोन स्कुलले नयाँ कार्यक्रमको सुरुआत गरेको छ ।
नेपालगन्ज उप–महानगरपालिका– १८ मा अवस्थित युरो वेवी जोनले ‘आर्ट एण्ड क्राफ्ट एक्जिभिशन’ गरेको छ । युरो वेवी जोन स्कुलले ‘ग्य्राण्ड प्यारेन्ट्स डे’ को अवसरमा विद्यार्थीले बनाएका विभिन्न वस्तुहरुको प्रदर्शनी गरिएको थियो ।

…..

…..

स्मार्ट अवधारणाबाट सन्चालित सो स्कुलले आफ्नो पाठ्यक्रममा समावेस गरेको सो प्रर्दशनी कार्यक्रम ‘ग्य्राण्ड प्यारेन्स डे’को अवसरमा सन्चालन गरेको स्कुलले जनाएको छ ।

बालबालिकाका बुवा–आमासँग कुनै न कुनै अवसरमा भेट भैरहने भएपनि हजुरबुवा–हजुरआमाहरुसंग भने स्कुलमा विद्यार्थीहरुसंगै भेट हुने अवसरहरु नहुने भएकाले पनि यो कार्यक्रमको अवधारणा ल्याएको युरो वेवी जोन स्कुलकी प्रिन्सिपल निर्जला महर्जनले बताइन् । महर्जनले स्वागत मन्तव्य राखेको कार्यक्रममा उनिसहित शिक्षकहरुको टीमले अभिभावकहरुलाई सम्मान गरेका थिए । सो अवसरमा बाबुनानीहरुले उनीहरुका हजुरवुवा–हजुरआमाहरुको अगाडी आफ्नो सिकाई आदान–प्रदान गरेका थिए ।

……

…..

हजुरवुवा–हजुरआमाहरुले आफ्ना नाति–नातिनिहरुले कसरी सिक्ने रहेछन् भनेर जान्ने अवसर पनि भएको प्रिन्सिपल महर्जनले बताइन् । उनले यस कार्यक्रमले बालबालिकाहरुमा आत्मविश्वास बढाउने र दुई फरक पुस्ता विचको सामिप्यता बढ्ने विश्वास व्यक्त गरे ।
कार्यक्रमका अवसरमा युरो वेवी जोनमा अध्यनरत विद्यार्थीहरुले आफुले तयार पारेका विभिन्न सिकाई सामाग्री प्रदर्शनी, नृत्य, गायन, वक्तृत्वकला लगायतका इभेन्टहरु आयोजना गरिएको थियो ।

यसैगरी युरो वेवी जोन स्कुलले शिक्षा संगै विद्यार्थीहरुलाई सामाजिक उत्तरदायित्वको ज्ञान बोध गराउने उद्देश्यले ‘डोनेसन बुथ’ (दानकक्ष) समेत सन्चालन गरेको छ ।

जहाँ विद्यार्थी तथा अभिभावकले आफुले चाहेको खण्डमा त्यहाँ लत्ताकपडा दान गर्न सक्नेछन् ।
यसले गरिव र असाहय बालबालिकाहरुलाई सहयोग पुग्ने स्कुल व्यवस्थापन समितिका अध्यक्ष बामदेव न्यौपानेले बताए ।

…..

…..

डोनेसन बुथको माध्यमबाट विद्यार्थीमा मानविय भावना र सेवाको भावना विकास गर्न सहयोग गर्ने न्यौपानेले विश्वास व्यक्त गरे । कार्यक्रममा युरो वेवी जोन स्कुलले नेपालगन्जमा स्माट स्कुलको अबधारणालाई थप बलियो र विकसित गर्दै लगेको स्कुलका निर्देशक तथा संचालक कमल पछाईले बताए ।