सामाजिक कार्य गरेर स्थापना दिवस मनाउँदैं भेरी सहकारी

कालपृष्ठ समाचारदाता
नेपालगन्ज, २९ फागुन

मानवीय तथा सामाजिक कार्यमा सहयोग गर्दै भेरी सहकारी वित्तीय संस्था लिमिटेडले आफनो ३०औं स्थापना दिवस मनाउने तयारी गरेको छ । आज शनिबार भेरी सहकारी वित्तीय संस्था लिमिटेडले बृहत खुल्ला रक्तदान तथा दन्त शिविर कार्यक्रम गर्दैछ ।

नेपालगन्ज सुर्खेत रोड स्थित भेरी सहकारी वित्तीय संस्था लिमिटेडको कार्यालय परिसरमा हुन लागेको कार्यक्रममा लायन्स क्लब अफ नेपालगन्ज ईन्नोभेटिबले समन्वयकारी भुमिका निर्वाह गरेको छ ।

कार्यक्रम आयोजना गर्न प्रादेशिक रक्त संचार केन्द्र र नेपाल डेन्टल क्लिनिक नेपालगन्ज बाँकेले प्राविधिक सहयोग गरेका छन् । यसैगरी संस्थाको स्थापना दिवसको अवसरमा चैत १ गते मानव सेवा आश्रममा सन्ध्याकालिन भोजन र मानव सेवा आश्रम भवन निर्माणार्थ आर्थिक सहयोग गर्ने कार्यक्रममा रहेको भेरी सहकारी वित्तीय संस्था लिमिटेड व्यवस्थापक शोभा गुरुङले बताउनु भयो ।

बाँकेको पुरानो सहकारीमा पर्ने भेरी सहकारी वित्तीय संस्था लिमिटेडले स–साना पुँजीको संकलन गरेर समुदायमा लगानी गर्ने गरेको छ । आर्थिक रुपमा स्थानीय नागरिकलाई सक्षम बनाउने उद्देश्यले स्थापना भएको भेरी सहकारी वित्तीय संस्था लिमिटेडले समुदायमा हरेक वर्ष मानवीय र सामाजिक कार्यहरुमा पनि योगदान गर्दै आएको छ ।

बचतकर्ताको आर्थिक स्तर बृद्धि सँगै समुदायको विकासमामा संस्थाले योगदान गर्नु पर्छ भन्ने उद्देश्लयले हरेक वर्ष सामाजिक कार्य गर्दै आएको भेरी सहकारी वित्तीय संस्था लिमिटेडको व्यवस्थापक गुरुङले बताउनु भयो ।