प्रथम मेयर कप महिला तथा पुरुष हक्कीको फाइनल शुक्रबार

कालपृष्ठ समाचारदाता
नेपालगन्ज, ४ असार

नेपालगन्जमा जारी प्रथम मेयर कप महिला तथा पुरुष (५–एस) हक्की प्रतियोगितामा बिहिबार पहिलो खेलमा त्रिभुवन चोक क्लबले जित हासिल गरेको छ । त्रिभुवन चोक क्लबले बाँके गाउँ क्लबलाई शुन्यको बिरुद्ध ३ गोलले पराजित गर्न सफल भयो । त्यसैगरी महिलातर्फ कै दोस्रो खेलमा महेन्द्र पार्क क्लबले बाबू गाउँ क्लबलाई शुन्यको विरुद्ध ३ गोलले नै पराजित गरेको छ । त्यसैगरी पुरुष तर्फ बाँके गाउँ क्लबले त्रिभुवन चोक क्लबलाई ३–१ गोल अन्तरले पराजित गर्न सफल भयो । शुक्रबार बिहान ५ वटा खेलहरु हुने तथा बेलुका ५ बजे फाईनल खेल हुने आयोजकले जनाएको छ ।
नेपालगन्ज उप– महानगरपालिकाको सहयोग तथा पूर्व खेलाडी समाज बाँकेको आयोजनामा प्रथम मेयर कप महिला तथा पुरुष (५–एस) हक्की प्रतियोगिता–२०८३ बिहिबारदेखि नेपालगञ्जमा सुरु भएको हो । प्रतियोगितामा ४ महिला तथा ४ पुरुष टोलीको सहभागिता रहेको छ । खेलहरू लिग कम नक–आउट प्रणालीमा सञ्चालन भइरहेको आयोजक पूर्व खेलाडी समाजका सचिव नरेन्द्र थापाले जानकारी गराउनु भयो ।