कोहलपुरमा राष्ट्रपति रनिङ्ग शिल्ड प्रतियोगिता जारी

राम बहादुर रावत

कोहलपुर – बाँकेको कोहलपुरमा बाँके क्षेत्र नं. १ विद्यालय स्तरिय खेलकुद तथा नवौं राष्ट्रपति रनिङ्ग शिल्ड छनौट प्रतियोगिता जारी छ ।

शुक्रबारबाट स ुरु भएको प्रतियोगिताको दास्रो (शनिबार) दिन सम्पन्न भएको ८ सय मिटर दौडको छात्र तर्फ दीपज्योति माविका पवन दर्लामी प्रथम, सिद्वेश्वर माविका पुर्ण बहादुर थारु द्वितीय र सगरमाथा ज्ञानपुञ्ज माविका राम बहादुर बुढा तृतीय भएका छन् भने छात्रा तर्फ गोरखा युनाईटेड पब्लिक स्कुलकी पुर्णिमा खड्का प्रथम, दुर्गा भवानी कचनापुरकी संगिता थारु द्वितीय र भवानीयापुर माविकी प्रतिमा थारु तृतीय भएकी छिन् ।

त्यस्तै १५ सय मिटर दौडको छात्र तर्फ लक्ष्मी मावि बद्वहवाका राम कुमार थारु प्रथम, सरस्वती मावि बैजापुरका सागर चौधरी द्वितीय र ग्रिनपिस मावि चप्परगौडिका विजय रोकाय तृतीय भएका छन् भने छात्रा तर्फ सरस्वती बैजापुरकी कमला जैसी प्रथम, गोरखा युनाईटेड पब्लिक स्कुलकी विर्सना कुमाल द्वितीय र राम जानकी माविकी विवेचना शाह तृतीय भएकी छिन् ।

त्यस्तै ज्याभलिङ्ग थ्रोको छात्र तर्फ सिद्वश्वर सिदनहवाका राजेश तामाङ्ग प्रथम, जनज्योति पब्लिक स्कुलका विनोद केसी द्वितीय र बागेश्वरी एकेडेमीका बसन्त विसी तृतीय भएका छन् भने छात्रा तर्फ भुवरभवानी माविकी सिता थारु प्रथम, सिद्वेश्वर मावि सिदनहवाकी विनिता कुमारी थारु द्वितीय र ज्ञानज्योति माविकी सामिता चौधरी तृतीय भएकी छिन् ।

प्रतियोगितामा क्षेत्र नम्बर १ मा रहेका ३९ वटा सरकारी तथा संस्थागत विद्यालयले सहभागिता जनाएका छन् । सो प्रतियोगिताबाट प्रमथ र द्वितीय भएका खेलाडिहरुले जिल्ला स्तरिय प्रतियोगितामा सहभागिता जनाउने आयोजकले जनाएको छ । प्रतियोगितामा भलिबल, एथ्लेटिक्स, कपर्दी लङ्गजम्प लगायतका खेलहरु समावेश गरिएको छ ।