बैजनाथमा एमालेलाई हराउँदै कांग्रेसले गाड्यो झण्डा

बैजनाथ गाउँपालिकामा नेपाली कांग्रेसले नेकपा एमालेलाई हराउँदै आफ्नो झण्डा गाडेको छ । एमालेको बर्चस्व रहेको बैजनाथमा कांग्रेसले ४ वटा वडासहित अध्यक्ष र उपाध्यक्ष जितेको हो ।

नेपाली कांग्रेसका प्रकाशबहादुर शाहीले नेकपा एमालेका घननाथ खनाललाई १ हजार ७ सय ९८ मतले पराजय गरेका हुन् । शाहीले १२ हजार १ सय ८० मत पाउँदा खनालले १० हजार ३ सय ३२ मत पाएका छन् ।

त्यस्तै उपाध्यक्षमा पनि नेपाली कांग्रेसकी निर्मला रोकायले एमालेकी प्रेमपूर्ण योगीलाई १ हजार ४ सय १९ मतान्तरले हराएकी छिन् । रोकायले १२ हजार १ सय ५२ मत पाउँदा योगीले १० हजार ७ सय ३३ मत पाएकी छिन् ।

वडास्तरमा कांग्रेस वडा नम्बर ३, ४, ६ र ८ मा जितेको छ ।

कांग्रेसका निखिल बैगारले ३, प्रेमबहादुर शाहीले ४, भुपाल पुन मगरले ६ र भगन थारुले ८ नम्बर वडामा जितेका हुन् ।

त्यस्तै बाँकी रहेका ४ वटा वडामा एमाले र नेकपा माओवादी केन्द्रले २÷२ वडामा जितेका छन् ।

नेकपा एमालेका रुपबहादुर मल्ले वडा नम्बर १ र राजु रुचाल ठकुरीले वडा नम्बर २ जितेका हुन् वडा नम्बर ५ र ७ मा माओवदीका देवबहादुर रावत र दिनेशकुमार थारुले जित हासिल गरेका हुन् ।