बाँके-३(क) एमालेका रत्न १२२४ मतले अगाडी

कालपृष्ठ समाचारदाता
नेपालगन्ज, ६ मंसिर
बाँके क्षेत्र नम्बर ३(क) प्रदेश सभाको जारी मतगणनामा नेकपा एमालेका उम्मेदवार रत्न खत्रीले आफनो अग्रता बढाउँदै लगेका छन् । अहिलेको अपडेटमा रत्नले १२२४ मतले अग्रता बढाउँदै लगेका छन् ।
रत्नले १०,६४२ मत गणना हुँदा ४४९९ मत प्राप्त गरेका छन् । दोस्रो स्थानमा रहेका स्वतन्त्र उम्मेदवार दलबहादुर सुनारले ३२७५ र तेस्रो स्थानमा रहेको नागरिक उन्मुक्ति पार्टीका चन्तराम थारुले १७८० मत पाएका छन् ।

यसैगरी बाँके क्षेत्र नम्बर ३ को प्रतिनिधि सभा सदस्य पदको मतगणना जारी रहँदा नेपाली कांग्रेसका उम्मेदवार किशोर सिंह राठौरले मत अन्तर घटाउँदै लगेका छन् ।

मंगलबार १ बजेर १२ मिनेट सम्मको अपडेटमा नेकपा एमालेका किस्मत कुमार कक्षपतिले ३५५ मतले अग्रता लिइरहेका छन् ।
११८८७ मत गणना गर्दा नेकपा एमालेका कक्षपतिले ४६४५ मत ल्याउँदा किशोर सिंह राठौरले ४२९० मत प्राप्त गरेका छन् ।
राष्ट्रिय स्वतन्त्र पार्टीका देबेन्द्र नाथ शुक्लाले १६८७ मत प्राप्त गरेका छन् । ६७७ मत बदर भएको छ ।