नेपाली पासपोर्ट बनाउनुछ ? टेक्सासको डालसमा शिबिर संचालन हुदैछ

टेक्सास (अमेरीका)-  नेपाली (राहदानी) पासपोर्टका लागी टेक्सासको डालसमा शिविर संचालन गरिने भएको छ ।

टेक्सासका नेपालीहरुको संस्था नेपाली समाज टेक्सासको पहलमा आउंदो जुन ३० देखी जुलाइ २ तारिख सम्म चल्ने नेप्लिज अमेरिकन कन्भेन्सनका अवसरमा नेपाली राजदुतावास वासिंटन डिसीको टोली नेपाली पासपोर्टका लागी डालस आउने भएको समाजका अध्यक्ष कृष्ण लामिछानेले जानकारी दिनुभयो ।

नेपालीहरुको बाक्लो उपस्थिती रहेको टेक्सासमा नेपालीहरुले सहजताका साथ पासपोर्ट बनाउन सहयोग गर्ने हेतुले सम्मेलनका अवसरमा पासपोर्ट बनाउन शिविर पनि संचालन गरिन लागेको अध्यक्ष लामिछानेको भनाई रहेको छ ।

शिविरमा दुतावासको टोलिले पासपोर्टका लागी नयां आबेदन तथा नबिकरणको काम गर्ने बताइएको छ । हाल पासपोर्टका लागी ३ सय डलर तिरेर हुलाक मार्फत वा आफै उपस्थित भएर पासपोर्टको काम गरिदै आइएकोमा डालसमा संचालन गरिन लागेको शिविरले टेक्सासको ड्यालस, ह्युस्टन तथा अष्टिन लगायतका शहरका नेपालीहरुलाई सहज हुने बताइएको छ ।

नयां पासपोर्ट तथा पासपोर्ट नविकरणका लागी शिबिर संचालन गर्न लागिएकोले फाइदा उठाउन सबैमा आग्रह गरेको नेपाली समाज टेक्सासका अध्यक्ष कृष्ण लामिछानेले बताउनुभयो ।