अष्टिनमा गायक समिरको साथमा “डिजे नाइट विथ समिर” हुंदै

अष्टिन (टेक्सास)-  टेक्सासको अष्टिनमा चर्चित युवा गायक समिर आचार्यको उपस्थितीमा  “डिजे नाइट २०१७ विथ समिर”  नामक सांगितिक कार्यक्रम हुने भएको छ ।

आउंदो जुलाई २ तारिख आइतवार राती १२ बजे पछि अष्टिन स्थित बम्बई टु काठमाडौं रेष्टुरेन्टमा कार्यक्रम आयोजना गर्न लागिएको कार्यक्रम संयोजक तथा युवा मोडल शुबेचन श्रेष्ठले जानकारी दिनुभयो । अष्टिनमा गरिने हरेक कार्यक्रम बिहान, दिउंसो या सांझको समयमा हुने भएपनि यो सांगितिक कार्यक्रम दिउंसो देखी राती सम्म काम गर्नेहरुलाई मध्यनजर गरेर मध्यरात पछि आयोजना गरिएको बताइएको छ ।

धेरै जसो युवा साथिहरु दिउंसो देखी राती सम्म काम गरेर फर्किनुहुन्छ कार्यक्रम संयोजक शुबेचन श्रेष्ठले भन्नुभयो- “युवा साथीहरुको एक दिन भए पनि दिनभरीको कामको थकान मेटाउन र मनोरञ्जन प्रदान गर्न मध्यरात पछि कार्यक्रम आयोजना गरेका हौं । ”

समय मिलाएर कार्यक्रममा सहभागी भई मनोरञ्जन लिन तथा कार्यक्रमका अवसरमा नेपाली खानाका परिकारहरुको स्वाद लिन सबैमा आग्रह गरिएको छ ।

कार्यक्रममा सहभागी हुन लागेका गायक समिर आचार्यका चट्ट सलाम छ, दुनिया बेग्लै छ लगायतका गित चर्चित छन् । गायक आचार्य संगै स्थानीय कलाकारको पनी प्रस्तुती रहने बताइएको छ ।