‘निशु’ ग्लोबल प्रेस जर्नलको नेपालका लागि एसोसियट रिपोर्टर नियुक्त

कालपृष्ठ समाचारदाता
नेपालगनज, २६ माघ
नेपालगन्जमा रहेर सक्रिय पत्रकारिता गरिरहेकी अमृता जैशी ‘निशु’पत्रकारिताको एक विश्वव्यापी संस्था अमेरिका स्थित ग्लोबल प्रेस जर्नलको नेपालका लागि एसोसियट रिपोर्टर नियुक्त भएकी छन् । रेडियोमा बोल्ने सपनाका साथ करिब १० बर्ष अघि सुर्खेतबाट टिकापुर झरेर निशुले आफ्नो संचार कर्मको यात्रा सुरु गरेकी थिईन् ।

कैलालीको टिकापुरमा करिब एक बर्षको रेडियो पत्रकारिता पछि यसै क्षेत्रमा थप केही गर्ने आशा लिएर निशु नेपालगन्ज झरेकी थिईन् । नेपालगन्जमा रेडियोसंगै छापा र श्रव्यदृश्य पत्रकारिताको अनुभव लिएकी निशुसँग करिब एक दशकको पत्रकारिता अनुभव छ । निशुले प्रशिक्षार्थी रिपोर्टरका रुपमा तिन महिनाको तालिम लिएपछि ग्लोबल प्रेसको न्युजरुममा रिपोर्टरका रुपमा प्रवेश पाएकी हुन् ।

अंग्रेजीसंगै नेपाली भाषामा पनि स्टोरी प्रकाशित हुने कुराले थप हौस्याएको भन्दै निशुले यस सफलताले आफुलाई संचार क्षेत्रमा काम गर्न थप उर्जा मिलेको बताईन् । आफनो पेशाबाट आफ्नो ठाउँ र देशलाई चिनाउन सक्दो कोसिस गर्ने उनले बताईन् ।