डा. पौडेल सहितको टिमको उपस्थितीमा भोली सानफ्रान्सीस्कोमा अन्तरक्रिया हुंदै

क्यालिफोर्निया (अमेरीका)–  एनआरएन अमेरीकाको आसन्न निर्वाचनलाई लिएर अध्यक्षका प्रत्यासी तथा वर्तमान अध्यक्ष डा. केशव पौडेल र उहांको टिमको उपस्थितीमा सानफ्रान्सीस्कोमा अन्तरक्रिया कार्यक्रम आयोजना गरिएको छ ।

भोली शनिबार क्यालिफोर्नियाको सानफ्रान्सीको स्थित ओम मण्डल हलमा बिहान ११ बजेपछि हुने कार्यक्रममा डा. पौडेल लगायत उहांको टिमका अन्य पदका उम्मेद्धार संगै एनआरएन अभियन्ताहरुको सहभागीता रहने बताइएको छ । सानफ्रान्सीस्कोका समाजसेवी इश्वर सापकोटा र नारायण पोखरेलको संयोजकत्वमा आयोजना हुन लागेको अन्तरक्रिया कार्यक्रममा डा. पौडेल र उहांको टिमको उम्मेद्धारी, एनआरएन अमेरीकाले गरेका कार्यक्रम तथा आगामी योजनाका बारेमा छलफल हुने बताइएको छ ।

कार्यक्रममा सहभागीताको लागी आयोजकका तर्फबाट सबैलाई आग्रह गरिएको छ ।

यस्तै चुनावी प्रचारका शिलशिलामा क्यालिफोर्निया पुग्नुभएका अध्यक्षका प्रत्यासी तथा बर्तमा एनआरएन अमेरीकाका अध्यक्ष डा. केशव पौडेलको उपस्थीतीमा आइतवार लसएन्जलसमा अन्तरक्रिया कार्यक्रम हुने भएको छ । साउर्दन क्यालिफोर्नियामा बसोबास गर्ने नेपालीहरु लगायत त्यहांका समाजसेबी हेमराज भट्ट र टिका चौधरीको संयोजकत्वमा अन्तरक्रिया कार्यक्रम गर्न लागिएको हो । ।

आर्टिसियास्थित तारा हिमालय कुजिनमा बेलुका साढे सात बजेपछि शुरु हुने कार्यक्रममा सहभागीताको लागी सबैमा आग्रह गरिएको छ ।