‘युवा संघको महाधिवेशन ऐतिहासिक हुनेछ ’
Thursday, April 6th, 2023, 6:47 pm
Kalpristha
कालपृष्ठ समाचारदाता
नेपालगन्ज, २२ चैत
राष्ट्रिय युवा संघ नेपालका केन्द्रीय उपाध्यक्ष एवम् लुम्बिनी प्रदेश इन्चार्ज पुरीले नेपालगन्जमा हुन गईरहेको राष्ट्रिय महाधिवेशनलाई ऐतिहासिक रुपमा भव्य बनाईने बताएका छन् । लुम्बिनी प्रदेशमा भईरहेको राष्ट्रिय महाधिवेशनलाई भव्य रुपमा सफल पार्न प्रदेशबाट प्रतिनिधित्व गर्ने युवा संघका केन्द्रीय पदाधिकारी तथा केन्द्रीय सदस्यहरु अहोरात्र खटिरहेको उनले जानकारी दिए
यहि चैत २७ देखि २९ गतेसम्म नेपालगन्जमा हुने राष्ट्रिय युवा संघको नवौं राष्ट्रिय महाधिवेशनमा देशभरबाट आउने दुईहजार बढि प्रतिनिधिलाई खाने बस्ने र कार्यक्रमलाई भव्य बनाउन मञ्च व्यवस्थापन, प्रचार प्रसार लगायतको काम भईरहेको पुरीले बताए ।
‘लुम्बिनी प्रदेशको नेपालगन्जमा हुन लागेको युवा संघको महाधिवेशनलाई भव्य रुपमा सम्पन्न गर्ने हाम्रो तयारी रहेको छ ।’ – महाधिवेशनलाई भव्यता पूर्वक सफल बनाउन नेकपा (एमाले) पार्टीसँग समन्वय गरेर तयारीका काम भईरहेको जानकारी दिंदै ‘राष्ट्रिय महाधिवेशन मूल व्यवस्थापन समिति’ सह संयोजक पुरीले भने ।
पार्टी अध्यक्ष केपी शर्मा ओलीले उदघाटन गर्ने महाधिवेशनको उदघाटन समारोहमा दशौं हजार सहभागि हुने गरी कार्यक्रम तय भएको उनको भनाई छ । उनले प्रतिनिधि व्यवस्थापन, आवास तथा खाद्यान्न, यातायात जनपरिचालन समितिमार्फत महाधिवेशनको काम भईरहेको समेत जानकारी दिए ।