भुकम्प पिडितका अस्थायी टहरा बनाउँन सक्रिय बन्दै तरुण दल

कालपृष्ठ समाचारदाता
नेपालगन्ज, १२ पुष
नेपाल तरुण दलको टोली सक्रिय भएर जाजरकोटमा भुकम्प पिडितहरुको लागि अस्थायी घर टहरा निर्माणमा लागिरहेको छ ।

नेपाल तरुण दल केन्द्रिय अध्यक्ष विद्धान गुरुङ सहितको टोलीले जाजरकोटमा ७२ वटा अस्थायी घर निर्माण गरेर फर्किएको छ ।

जाजरकोटबाट फर्कने क्रममा नेपाल तरणदलको टोलीले नेपालगन्ज स्थित बागेश्वरी मन्दिरको दर्शन गरेको थियो । सामाजिक कार्यबाट फर्किएर धार्मिक कार्यमा लागेको केन्द्रिय अध्यक्ष गुरुङ सहितको टोलीलाई नेपालगन्जमा स्वागत गरिएको थियो ।

नेपाल तरुणदल नेपालगन्ज उप–महानगरपालिका तरुण दल अध्यक्ष सन्दिप जंग शाह सहितको टोलीले केन्द्रबाट आएको टोलीलाई स्वागत गरेको थियो ।

तरुणदलले जाजरकोटमा ३ सय वटा अस्थायी घर टहरा निर्माण गर्ने लक्ष्य सहित काम गरिरहेको अध्यक्ष शाहले जानकारी गराए । जाजरकोट तरुण दलका नेताहरुले भुकम्प प्रभावित क्षेत्रमा काम जारी राखेको उनले बताए ।
तरुण दलले देशभरबाट आफनो सदस्यहरुबाट आर्थिक संकलन गरेर जाजरकोटमा भुकम्प पिडितहरुका लागि सहयोग गदै आएको छ ।

………….