दैलेखमा गोरु काट्नेलाई ९ महिना कैद र ४० हजार क्षतिपूर्ति !

१९ असाेज, दैलेख । दैलेखको भैरवी गाउँपालिका २ मा बारीमा बाँधिएका गोरु काट्नेलाई जिल्ला अदालत दैलेखले कैद सजायको फैसला गरेको छ ।

अदातलका न्यायधीश दण्डपाणि लामिछानेको इजलासले गोरु काट्ने भैरवी गाउँपालिका २ का राजेश विष्टलाई एक वर्ष ९ महिना कैद र ४० हजार क्षतीपूर्तीको फैसला गरेको श्रेस्तेदार इन्द्रबहादुर कार्कीले जानकारी दिए ।

मुलुकी अपराध संहिताको २८९ को उपदफा १, २ र ३ अनुसार आइतबार अदालतले कैद फैसला गरेको श्रेस्तेदार कार्कीले बताए ।

श्रेस्तेदार कार्कीका अनुसार विष्टबाट ४० हजार क्षतीपूर्ती भराउन पनि अदालतले फैसला गरेको छ ।

गत भदौ २६ गते विष्टले भैरवी गाउँपालिका २ रावतकोटका सोविन थापाका बारीमा बाँधिका गोरु काटेका थिए ।

एक गोरु काटिएको दिनमै मरेको थियो भने अर्काे घाइते अवस्थामा छ । प्रहरीले गोरु काटेको १२ घण्टामै विष्टलाई पक्राउ गरेर अनुसन्धान अघि बढाएको थियो ।

आफूलाई दैलेख जिल्ला अदालतले न्याय दिएको गोरु धनी सोविन थापाले बताए ।

‘खेती लगाउने सिजनमा दुवै गोरु काटिएपछि अन्यायमा परेको थिएँ’, थापाले भने ।

गोरु काट्नेबाटै अदालतले क्षतीपूर्ती वापतको रकम भराएपछि थप राहत पुगेको गोरु धनी थापाले बताए ।