२०औं एसियाली खेलकुदमा अफिसियलको भुमिका निर्वाह गर्दै चाहना शाह

कालपृष्ठ समाचारदाता

काठमाडौं, ३० भदौं

नेपालगन्जकी चाहना शाह जापानमा हुन लागेको २०औं एसियाली खेलकुदमा ट्रायथलन अफिसियलको भुमिका निर्वाह गर्न मंगलबार त्यसतर्फ प्रस्थान गरेकी छिन् । शाहसँगै नेपालबाट पुष्परत्न बज्राचार्यले ट्रायथलनबाट एसियाली खेलकुदमा अफिसियलको भुमिका निर्वाह गर्नेछन् ।

बुधबार नेपाल ट्रायथलन संघले जापान जाने ट्रायथलनका दुई टेक्निकल अफिसरलाई विदाइ गरेको थियो । शाहले यसअघि चीनमा भएको १९औं एसियाली खेलकुद, युथ एसियाली खेलकुद, साग खेलकुद लगायतका प्रतियोगितामा अफिसियलको रुपमा काम गरिसकेकी छिन् ।

जापानको आइची नागोयामा हुने एसियाली खेलकुदमा नेपालका चाहना शाह र पुष्परत्न वज्राचार्य ट्रायथलन टेक्निकल अफिसरको रुपमा सहभागी हुनेछन् । नेपाल ट्रायथलन संघका अध्यक्ष निलेन्द्रराज श्रेष्ठ दुवैलाई शुभकामनासहित विदाइ गर्दै एसियाडजस्तो ठूलो खेलकुद मेलामा टेक्निकल अफिसरहरुको भूमिका र जिम्मेवारी पनि महत्वपूर्ण हुने बताउनुभयो ।

एसियाडमा नेपाली ट्रायथलन आगामी एसियाली खेलकुदमा नेपालले ट्रायथलनमा भने भाग लिएको छैन । अध्यक्ष श्रेष्ठले यसपालि ओलम्पिकको विवादका कारण नेपाली ट्रायथलन समावेश हुन नसकेको भनाई राख्नुभयो । ओलम्पिक विवादका कारण ट्रायथलनलाई एसियाडमा समावेश गरिएन । जसले ट्रायथलन खेलाडीलाई अन्याय भएको उहाँले बताउनु भयो ।